प्राइम खबर संबाददाता | माघ ६, २०७९ शुक्रबार
काठमाडौं । पछिल्लो केही महिनामा एआई टुल ‘च्याटजीपीटी’ प्रविधिको दुनियाँमा निकै चर्चामा छ । कुनै पनि प्रश्नको जवाफ होस् या प्रतिवेदन तथा सफ्टवेयर कोड तयार गर्नका लागि नै किन नहोस्, यो निकै प्रभावकारी हुँदै आएको छ ।
अझ यती बेला धोकाधडी पूर्ण क्रियाकलाप फैलाउनका लागि ह्याकरहरुले च्याटजीपीटी प्रयोग गरिरहेको विषय बाहिरिएको छ । साइबर सेक्युरिटी अनुसन्धान कम्पनी ‘चेकपोइन्ट’ को एक अध्ययन अनुसार साइबर अपराधीहरुले मालिसियस टुल निर्माणका लागि च्याटजीपीटी प्रयोग गरिरहेको पाइएको छ ।
साइबर अपराधीहरुले यसैमार्फत इन्फोस्टिलर (डेटा चोरी गर्ने टुल) , इन्क्रिप्सन टुल लगायत निमार्ण गरी ठगि गर्ने लगायतका क्रियाकलाप गरिरहेको पाइएको हो ।
अध्ययनका अनुसार एक जना अज्ञात प्रयोगकर्ताले केही समयअघि ह्याकिङ फोरममा ‘च्याटजीपीटी–बेनिफिट्स अफ माल्वेयर’ नामक प्रतिवेदन प्रस्तुत गरेका थिए । उक्त प्रतिवेदनमा उनले च्याटजीपीटीको प्रयोग गरी प्राविधिक रुपमा सामान्य जानकारी भएका साइबर अपराधीहरुले समेत टुल निर्माण गर्न सक्ने दाबी गरेका थिए ।
उनको दाबी अन्ततः सावित भएको छ । अनुसन्धानको क्रममा मल्टी–लेयर इन्क्रिप्सन टुल निर्माणका लागि साइबर अपराधीहरुले च्याटजीपीटी प्रयोग गरिरहेको देखिएको हो ।
यसअघि सन् २०२२ को डिसेम्बर २१ मा एक जना साइबर अपराधीले पाइथनको स्क्रिप्ट सार्वजनिक गरेका थिए । अमेरिका सुरक्षा विभागको वेबसाइटमार्फत मालिसियस लिक फैलाउनका लागि उनले उक्त स्क्रिपट तयार पारेका थिए ।
उक्त स्क्रिप्ट सो व्यक्तिले पहिलोपटक तयार पारेको समेत बताएका थिए । जसका लागि उनले च्याटजीपीटीको सहयोग लिएको उनको भनाइ थियो ।
यसका साथै च्याटजीपीटले डार्क वेब मार्केटप्लेस कसरी बनाउने बारेमा समेत जानकारी दिने बताइएको छ । डार्क वेब मार्केटप्लेसमार्फत अवैधानिक कारोबारका साथै चोरी भएको सामान र लागु औषध समेत बिक्रि गर्ने गरिन्छ । यस्तोमा च्याटजीपीटीले यसलाई समेत थप प्रोत्साहन गरिरहेको अध्ययनमा उल्लेख गरिएको छ ।
मंसिर ४, २०८१ मंगलबार
असोज २९, २०८१ मंगलबार
असोज २१, २०८१ सोमबार
असोज २१, २०८१ सोमबार
असोज २१, २०८१ सोमबार
असोज ४, २०८१ शुक्रबार
