उनी भन्छन अखिल संयुक्त लगायतको गठबन्धनको तर्फबाट सहकार्यको लागि विभिन्न प्रस्तावहरू आएको भएतापनि त्यसलाई आफूहरुले षड्यन्त्रको रूपमा लिएको र त्यस कुरामा समझदारी हुन नसक्ने बताएका छन्। 

स्वतन्त्र विद्यार्थी युनियनको निर्वाचनको निम्ति शनिबार मनोनयन दर्ता गराएका विद्यार्थी संगठनहरुले  चुनावी अभियान तिब्रता दिएका छन् । चैत्र ५ गते हुने स्वबियु निर्वाचनमा जनज्योति बहुमुखी क्याम्पस रौतहटमा  नेकपा एमाले निकट अनेरास्ववियु, नेकपा एस निकट अनेरास्ववियु , माओवादी केन्द्र निकट अखिल क्रान्तिकारी र जनमत पार्टी निकट विद्यार्थी जनमत संघले संयुक्त रूपमा मनोनयन दर्ता गरेका छन् भने कांग्रेस निकट नेपाल विद्यार्थी संघ र जनता समाजवादी पार्टी निकट समाजवादी विद्यार्थी युनियनले छुट्टा छुट्टै प्यानल खडा गरी मनोनयन दर्ता गराएका हुन् । 

जसपा निकट नेताका अनुसार आफ्नो संगठनलाई अखिल संयुक्तले गठबन्धनमा सहभागी हुन आग्रह गरेको भएता पनि अपमानजनक ढंगले सहभागी हुन नसक्ने बताउँदै छुट्टै प्यानल दर्ता गराएको बताए ।  भागवण्डाको राजनीतिबाट आफूहरुलाई टाढै रहेको र ग्रामीण भेगका विद्यार्थी र मधेशी आदिवासी, जनजाति विद्यार्थी तर्फ राम्रो पकड रहेको हुँदा विद्यार्थी नेता आशिष लामाको नेतृत्वमा निर्वाचनमा होमिएको एकाई सभापति क्षेत्रीले बताए । 

समाजवादी विद्यार्थी युनियनले विशेष: जुडिबेला, गुजरा, गढीमाई, वृन्दावन र फतुवा विजयपुरमा रहेका विद्यार्थीहरु लाई आफ्नो भोट बैंकको रूपमा लिएको बताइएको छ । समावेशी र समानुपातिक प्रतिनिधि मुलक उम्मेदवारहरूको छनौट गरी चुनावी अभियानलाई तिब्रता दिएको समाजवादी विद्यार्थी युनियनले आजबाट नै घर दैलो कार्यक्रमलाई समेत तिब्रता दिने बताएको छ ।