प्राइम खबर संबाददाता | असार ८, २०८० शुक्रबार
राजदेवी नगरपालिकाले आफ्नो १० औं नगरसभा बुधबार सम्पन्न गरेको छ ।
प्रत्येक वर्ष झै असार १० सम्म नगर अधिवेशन सक्नु पर्ने कानुनी प्रावधान छ। जसअनुसार राजदेवी नगरपालिकाले आगामी आर्थिक वर्ष २०८०/०८१ काे बजेट नीति तथा कार्यक्रम प्रस्तुत गर्दै नगरसभा सम्पन्न गरेको छ।
जनमुखी स्थानीय सरकार, विकास र समृद्धिकाे आधारमा मुल नाराका साथ आयाेजना गरिएको नगर अधिवेशनमा नगरप्रमुख भिखारी यादवले आर्थिक वर्ष ०८०/०८१ काे लागि निति तथा कार्यक्रम कार्यान्वयन गर्न ४६ कराेड ४० लाख १५ हजार रुपैयाँकाे बजेट प्रस्तुत गरेका छन् । प्रस्तुत बजेटमा नगरपालिकाकाे चालु तर्फ ११ कराेड ४१ लाख ५० हजार तथा पुँजीगत तर्फ ९ कराेड ३८ लाख ६५ हजार रुपैयाँ खर्च विनियोजन गरिएको छ।
नगरप्रमुख यादवले नीति तथा कार्यक्रम आर्थिक विकासतर्फ आफ्नो गाउँ आफै बनाउ नारालाई बलियो बनाउन तर्फ जाेड दिएका थिए। बिकास कार्य, सिँचाइ, कृषि, सहकारी प्रवद्धन,नदी,नाला, युवाहरुलाई राेजगारीका लागि सिपमुलक तालिम, पर्यटन तथा संस्कृति बिकासका लागि सबै जनप्रतिनिधिहरु तथा स्थानीय एक जुट भई नगरलाई बिकास तर्फ उचाल्न आग्रह समेत गरेका थिए।
कार्यक्रममा जिल्ला समन्वय समितिका अध्यक्ष रामअयोध्या राय यादव , उपप्रमुख राजकुमारी देवी , प्रमुख प्रशासकीय अधिकृत प्रलव कायस्थ , नगरका सम्पुर्ण वडा अध्यक्ष , कार्यपालिका सदस्य, कर्मचारी संचारकर्मीहरुको, स्थानीयहरुकाे उपस्थिति रहेको थियो।
चैत २७, २०८१ बिहिबार
चैत २५, २०८१ मंगलबार
चैत २१, २०८१ शुक्रबार
चैत २०, २०८१ बिहिबार
चैत १४, २०८१ शुक्रबार
