बृन्दावन नगरपालिकाका मेयर विनोद प्रसाद कुर्मीले आइतवार आयोजित एक कार्यक्रमका बीच नगरपालिकाको आफनै प्रशासनिक भवनको शिलान्यास गरेका छन् । 

मेयर कुर्मीले शिलान्यास गरेसंगै अब वृन्दावन नगरपालिकाको आफनै भवन निर्माण हुने भएको छ । विश्रामपुरमा रहेको नगरपालिकाको कार्यालय भवनको छेउमै रहेको सरकारी जग्गा जसमा बजार लाग्ने गरेको थियो सोही स्थानमा कार्यालय भवनको शिलान्यास गरेका छन् । 

नगरपालिकाको ३ करोड र एक संस्थाको ३ करोड गरी कुल ६ करोडको लागतमा सुविधा सम्पन्न आधुनिक प्राविधिक द्वारा लिफ्ट सहितको प्रशासनिक भवन निर्माण हुने मेयर कुर्मीले बताए । लिफट र प्रर्याप्त कोठा सहित चार तल्ले भवन निर्माण हुने मेयर कुर्मीले बताए । अत्याधुनिक र सुविधा सम्पन्न भवन निर्माण कार्य सम्पन्न गर्न करिव दुई वर्ष समय लाग्न सक्ने समेत उनले बताए । 

जिल्लामै पहिलो पटक वृन्दावन नगरपालिकाको प्रशासनिक भवन लिफट सहित निर्माण हुन लागेको उनले बताए । नगरपालिकाको आफनै भवन नहुँदा सो नगरपालिका कार्यालय धेरै कठिनाइक‍ो साथ सञ्चालन हुँदै आएको छ ।

आफ्नै कार्यालय सञ्चालन हुँदा प्रर्याप्त कोठाको अभावमा कर्मचारीहरुलाई बस्न समस्या हुँदै आएको छ जसका कारण सेवा प्रवाहमा समेत सेवाग्राहीहरुलाई कठिनाई हुँदै आएको छ । 

धेरै समस्या बिच नगरपालिका कार्यालय सञ्चालन हुँदै आएको अवस्थालाई मध्य नजर गर्दै मेयर कुर्मीले नगरपालिकाको आफनै प्रशासनिक भवन निर्माण गर्न लागेका छन् । नगरपालिकाको आफनै भवन निर्माण भई सञ्चालन भएपछि एकातर्फ आफ्नै भवन हुने अर्कोतिर यसैभित्र विभिन्न अन्य सरकारी कार्यालयहरू यसैमा व्यवस्थित गरि सेवाग्राहीहरुलाई सेवासुविधा उपलब्ध सहज र सरल गराउने मुख्य उदेश्य रहेको उनले दाबी गरेका छन् । 

शिलान्यास कार्यक्रममा जनप्रतिनिधिका साथै नगरपालिकाका निमित प्रमुख प्रशासकीय अधिकृत रासनारायण पटेल, नगरपालिकाका अन्य कर्मचारी, सुरक्षाकर्मी, पत्रकार लगाएतको सहभागिता रहेको थियो ।