प्राइम खबर संबाददाता | असोज ३, २०८० बुधबार
बिहीबार देखी काठमाडौंमा हुने चौथो खुल्ला अन्तराष्ट्रिय तेक्वान्दो प्रतियोगितामा भाग लिन चन्द्रपुर नगरपालिका वडा नम्वर १ बाट जाने खेलाडीलाई चन्द्रपुर नगरपालिकाका नगर प्रमुख संजय कुमार काफलेले खेल सामग्री वितरण गरेका छन् । रौतहटको चन्द्रपुर नगरपालिकाले संबिधान दिवशको अबसर पारेर बिहीबार नगरपालिका कार्यालय परिसरमा तेक्वान्डो खेलाडीहरुलाइ ट्रयाकसुट वितरण गरेको हो ।
चन्द्रपु्र नगरपालिकाको कार्यालयमा आयोजित कार्यक्रममा नगर प्रमुख काफलेले ति खेलाडीहरुलाइ विदाई समेत गरेका छन । खेलाडीहरुलाइ खेल प्रति हौसला बढाउने उदेश्यले प्रतियोगितामा खेल्न जाने खेलाडी तथा कोचलाई ट्रयाकसुट ,तथा भाडा समेत हस्तान्तरण गरेको नगर प्रमुख काफलेले बताए ।
आफनो नगर भित्रका बिभिन्न खेलहरु प्रति खेलाडीहरुको हौसला बढाउन नगरपालिकाले सहयोग गदै आएको र सोही अनुसार सहयोग गरेको नगर प्रमुख काफलेले बताएका छन ।
तेक्वान्डोका १३ जना खेलाडी र २ जना प्रशिक्षकलाइ ट्रयाकसुट र नगद सहयोग गरेको चन्द्रपुर नगरपालिका वडानं १ का वडा अध्यक्ष बलराम राउतले बताएका छन् ।
उक्त प्रतियोगितामा रौतहटबाट बिबस राना,सबिना गोले,अनमोल सोराली,आसा थापा,सुसान्त कटुवाल लगायतका १६ जना खेलाडीले भाग लिने सहायक प्रशिक्षक रेबेन्द्र दाहालले जानकारी दिएका छन । भोली देखी हुने सो प्रतियोगितामा नेपाल सहित बिभिन्न १० वटा देशका खेलाडीले भाग लिने उनले बताए ।
कार्यक्रममा नगर प्रमुख काफ्ले र वडा अध्यक्ष राउतले जिल्लाबाट प्रतिनिधित्व गर्दै सहभागी हुने खेलाडीहरुलाई बधाई तथा शुभकामना समेत व्यक्त गरेका छन्।
साउन ११, २०८१ शुक्रबार
साउन ९, २०८१ बुधबार
बैशाख २९, २०८१ शनिबार
बैशाख ११, २०८१ मंगलबार
फागुन २०, २०८० आइतबार
पुस १५, २०८० आइतबार
