प्राइम खबर संबाददाता | असोज १९, २०८० शुक्रबार
अख्तियार दुरुपयोग अनुसन्धान आयोगले ९० लाख गैरकानूनी सम्पत्ति आर्जन गरेको आरोपमा एकजना अहेवविरुद्द विशेष अदालतमा मुद्दा दायर गरेको छ ।
स्याङजाको चापाकोट नगरपालिकामा कार्यरत सिनियर अहेव बिन्दु कोइरालामाथि ९० लाख ३९ हजार ६२० रुपियाँ गैरकानूनी रुपमा आर्जज गरेको आरोपमा अख्तियारले अदालतमा मुद्दा दायर गरेको जनाएको छ ।
अख्तियारका प्रवक्ता भोला दाहालका अनुसार ९० लाख ३९ हजार ६२० रुपियाँ बिगो कायम गरी भ्रष्टाचार निवारण ऐन, २०५९ को दफा ४७ तथा अख्तियार दुरुपयोग अनुसन्धान आयोग ऐन, २०४८ को दफा २९ ख बमोजिम जफत तथा असुलसम्बन्धी मुद्दा दर्ता गरिएको छ ।
अहेब कोइरालाले सार्वजनिक सेवाको पदमा रहेर आफ्नो पदको दुरुपयोग गरी गैरकानूनी रुपमा आर्जन गरेको श्रोत नखुल्ने सम्पत्ति श्रीमती गीता कोइराला समेतको नाममा बैंक खातामा जम्मा गरेको पाइएको छ ।
अख्तियारले गीता कोइरालालाई समेत प्रतिवादी कायम गरी आरोप–पत्र दायर गरेको जनाएको छ ।
पुस २७, २०८१ शनिबार
पुस २५, २०८१ बिहिबार
पुस २५, २०८१ बिहिबार
पुस १४, २०८१ आइतबार
पुस १२, २०८१ शुक्रबार
पुस ११, २०८१ बिहिबार
