प्राइम खबर संबाददाता | माघ ११, २०८० बिहिबार
राष्ट्रिय सभा सदस्य पदको निर्वाचनमा मधेश प्रदेशबाट नेपाली कांग्रेसका आनन्द प्रसाद ढुंगाना र जसपा नेपाल कि पुजा चौधरी निर्बाचित भएका छन् ।
बिहीबार प्रदेश मुकाम जनकपुरमा भएको निर्वाचनमा दुवैजना सता गठबन्धनको तर्फबाट विजयी भएका हुन् । महिला कोटातर्फ सत्ता गठबन्धनका पुजा चौधरीले ७ हजार ९२३ मतभार पाएर विजयी हुँदा सता गठबन्धनको तर्फ बाट नेपाली काँग्रेसका केन्द्रीय सदस्य आनन्द प्रसाद ढुंगानाले ७ हजार ३ सय ७० मतभार पाएर बिजयी भएका हुन् । ढुगांनाले प्रदेशसभा सदस्यका ६७ र पालिका पदाधिकारीहरुको २०१ मत पाएका छन । ढुंगानाका निकटतम प्रतिद्वन्द्वी नेकपा एमालेका उम्मेदवार विजेता झाले २ हजार ४८४ मत प्राप्त गरेकी छिन् ।
यस्तै महिला कोटातर्फ सत्ता गठबन्धनका चौधरीको निकटतम प्रतिद्वन्द्वी एमालेकी उषा चौधरीले दुई हजार ४४६ मत प्राप्त गरेकी हुन् । राष्ट्रिय सभामा प्रदेश सभा सदस्यको मतभार ५२ र स्थानीय पालिका पदाधिकारीको मतभार १९ हुन्छ ।
मधेश प्रदेशमा सत्ता गठबन्धनका तर्फबाट विजयी उम्मेदवारहरुलाई चन्द्रपुर नगरपालिकाका मेयर सञ्जय कुमार काफ्लेले बधाई तथा शुभकामना व्यक्त गरेका छन् । राष्ट्रिय सभाको निर्वाचनले सहमति र सहकार्यको संदेश दिएको बताउँदै उनले राष्ट्रिय राजनीतिमा रौतहटको प्रतिनिधित्व महत्वपूर्ण आयाम भएको बताए।
पुस २५, २०८१ बिहिबार
पुस २५, २०८१ बिहिबार
मंसिर २९, २०८१ शनिबार
मंसिर ९, २०८१ आइतबार
मंसिर ४, २०८१ मंगलबार
असोज २९, २०८१ मंगलबार
