न्यूज डेस्क | बैशाख ११, २०८१ मंगलबार
रौतहटको चन्द्रपुर ५ मा अवस्थित चन्द्रनिगाहपुर अस्पताल नजिक ब्लड बैक स्थापना हुने भएको छ ।
नगरपालिकाको स्वामित्वमा रहेको निर्माणाधिन भवनमा सोमबार रक्त संकलन केन्द्रको लागि आवश्यक भबन निर्माण कार्यको थालनी गरिएको हो ।
चन्द्रपुर नगरपालिकाको सहयोगमा नेपाल रेडक्रस सोसाईटी उपशाखा चन्द्रनिगाहपुरले उक्त भबन निर्माण कार्यको जिम्मेवारी समेत पाएको छ ।
चन्द्रपुर नगरपालिकाका प्रमुख सञ्जय कुमार काफलेले भबन निर्माणको लागि सिलान्यास गर्दै चन्द्रपुर नगरपालिकामा ब्लड बैकको आबश्यकता लाई मध्यनजर गर्दै भबन निर्माणको लागि बजेट विनियोजन गरिएको बताए । उनका अनुसार रगतको अभाबमा कसैले अकालमा ज्यान गुमाउनु नपरोस भन्नका लागि परोपकारी कार्य स्वरुप ब्लड बैक स्थापना गर्न भबन निर्माण थालिएको हो ।
भबन निर्माण कार्य समयमै सम्पन्न गरी ब्लड बैक संचालनमा ल्याएमा यस भेग लगायत छिमेकी जिल्लाका आकस्मिक रुपमा रगत चाहिँदा सहज उपलब्ध हुने समेत उनले बताए ।
नेपाल रेडक्रस सोसाईटी उपशाखा चन्द्रनिगाहपुरका अध्यक्ष कृष्ण प्रसाद अधिकारीले मानबीय सेबा कार्य अन्तर्गत ब्लड बैक स्थापना र चाडै संचालन गर्न चन्द्रपुर नगरपालिकाको सहयोग रहेको बताएका छन् ।
चन्द्रपुर नगरपालिका वडानम्बर ५ का वडा प्रमुख नीलहरी कोईरालाले चन्द्रपुरमा रगतको आबश्यक्ता बढदै गएको अबस्थामा रेडक्रसले ब्लड बैकको लागि कार्य थालनी गर्नु सकारात्मक बिषय रहेको बताए । उक्त भवन १७ लाख ७८ हजारको लागतमा निर्माण हुन लागेको समितिका अध्यक्ष कृष्ण प्रसाद अधिकारीले बताए।
साउन ११, २०८१ शुक्रबार
साउन ९, २०८१ बुधबार
बैशाख २९, २०८१ शनिबार
फागुन २०, २०८० आइतबार
पुस १५, २०८० आइतबार
मंसिर १८, २०८० सोमबार
