न्यूज डेस्क | साउन २२, २०८१ मंगलबार
सरकारले तीन जना अतिरिक्त महानिरीक्षक (एआईजी) को सरुवा गरेको छ। मंगलबार साँझ सिंहदरबारमा बसेको मन्त्रिपरिषद बैठकले प्रहरीको केन्द्रीय अनुसन्धान ब्यूरो र काठमाडौं उपत्यका प्रहरी प्रमुख पनि हेरफेर गरेको हो।
यसअघि उपत्यका प्रहरी प्रमुख रहेका एआईजी दीपक थापालाई सीआईबीको जिम्मा दिइएको छ। थापा आगामी चैतमा प्रहरी महानिरीक्षक बन्ने सबैभन्दा बलिया उम्मेदवार पनि हुन्। कार्य विभाग प्रमुख एआईजी किरण बज्राचार्यलाई काठमाडौं उपत्यका प्रमुखको जिम्मा दिइएको सरकारका प्रवक्ता एवम् सूचना तथा सञ्चार प्रविधिमन्त्री पृथ्वीसुब्बा गुरुङले जानकारी दिए।
सीआईबी प्रमुख श्यामलाल ज्ञवालीलाई भने सबैभन्दा कम भूमिकाको मानिने प्रदेश समन्वय विभागमा सरुवा गरिएको छ। एआईजी उमेशराज जोशी अनिवार्य अवकासमा गएपछि उक्त स्थान रिक्त भएको थियो।
यस्तै उमेशराज जोशीको अवकासपछि बढुवा भएका रामदत्त जोशीलाई कार्य विभागमा पदस्थापन गरिएको छ। बज्राचार्य उपत्यका प्रहरी कार्यलयमा सरुवा भएपछि रिक्त भएको थियो। यसअघिको सरकारले सीआईबीबाट हटाएका बज्राचार्यलाई महत्वपूर्ण जिम्मेवारी दिइएको हो।
मंसिर २९, २०८१ शनिबार
मंसिर ९, २०८१ आइतबार
मंसिर ४, २०८१ मंगलबार
असोज २९, २०८१ मंगलबार
असोज २१, २०८१ सोमबार
असोज २१, २०८१ सोमबार
