न्यूज डेस्क | साउन २७, २०८१ आइतबार
कैलालीको बर्दगोरिया गाउँपालिका– १ उत्तरमुडामा आइतबार चट्याङ लागेर १० जना घाइते भएका छन् । जिल्लाको उत्तरमुडाका स्थानीय भीमबहादुर चौधरीको घरमा मृत्यु भएका व्यक्तिको १३ औँ दिने पुण्यतिथि कार्यक्रममा भेला भएर रूख मुनि टेन्ट टाँगेर खाना पकाउने क्रममा चट्याङ लागेर १० जना घाइते भएका हुन् । रुखमा चट्याङ लाग्दा उनीहरू घाइते भएको प्रहरीले जनाएको छ ।
जिल्ला प्रहरी कार्यालय कैलालीका प्रहरी निरीक्षक लोकेन्द्र सिंह कार्कीका अनुसार घाइते हुनेमा बर्दगोरिया गाउँपालिका–१ उत्तरमुडाका ५० वर्षीया फिरियादेवी चौधरी, ३५ वर्षीया रितादेवी चौधरी, ३२ वर्षीया माया चौधरी, ४५ वर्षीया कमलापती चौधरी र ३२ वर्षीया किरन चौधरी घाइते भएकी छन् ।
त्यस्तै सोही ठाउँकी ३८ वर्षीया उर्मिला डगौरा, ४० वर्षीया पार्वती चौधरी, ५० वर्षीया फुलकुमारी चौधरी, ३५ वर्षीया निर्मलादेवी थारु र घोडाघोडी नगरपालिका–३ ढुसरकी ३० वर्षीया ममता थारु घाइते भएका छन् ।
उनीहरूको बर्दगोरिया अस्पताल बौनियामा उपचार भइरहेको प्रहरीले जनाएको छ ।
मंसिर २९, २०८१ शनिबार
मंसिर ९, २०८१ आइतबार
मंसिर ४, २०८१ मंगलबार
असोज २९, २०८१ मंगलबार
असोज २१, २०८१ सोमबार
असोज २१, २०८१ सोमबार
