न्यूज डेस्क | साउन २८, २०८१ सोमबार
बिषाक्त खानाका कारण बाराको सिम्रौनगढ नगरपालिकामा एकै परिवारका तीन बालबालिकाको मृत्यु भएको छ । सिम्रौनगढ नगरपालिका ७ झवानी टोलको नरेश रामको परिवारले बिषाक्त खाना खाँदा दुईजना छोरी र एकजना छोराको मृत्यु भएको हो ।
शनिबार साँझ स्थानीय बजार भारतबाट माछा बेच्न आएका व्यापारीबाट माछा खरिद गरी खाना पकाएर खाँदा तीन जनाकै मृत्यु भएको स्थानीय राजदेव रामले जानकारी दिएका छन् । शनिबार राति खाना पकाएर सबै परिवारका सदस्यले खाना खाएपछि केही समयमै नरेश रामका छोरीहरू ९ वर्षीया लालिमा राम र ७ वर्षीया पुष्पा राम तथा ५ वर्षीया छोरा कृष्णन्दन रामको पेट दुख्ने, बान्ता हुने र झाडापखालाको समस्या देखा परेको थियो ।
स्वास्थ्यमा समस्या देखिएपछि उनीहरूको उपचारका लागि स्थानीय सिम्रौनगढकै स्वास्थ्य क्लिनिकमा लगिएको थियो । तर स्वास्थ्य चौकीले स्वास्थ्य अवस्था गम्भीर रहेको भन्दै थप उपचारका लागि प्रादेशिक अस्पताल कलैया पठाएको थियो । अस्पताल पुग्नुअघि नै ९ वर्षीया लालिमा रामको बाटोमै मृत्यु भएको थियो । बाँकी दुईजना बालबालिकाको अवस्थालाई थप जटिल भएपछि कलैया अस्पतालले उनीहरूलाई वीरगन्ज स्थित नेसनल मेडिकल कलेजमा पठाइको थियो ।
नेसनल मेडिकल कलेजमा उपचारको क्रममा गएराति पुष्पा राम र कृष्णदन्दन रामको समेत मृत्यु भएको इलाका प्रहरी कार्यालय सिम्रौनगढले जनाएको छ । खाना खाएपछि बालबालिकाहरूको स्वास्थ्यमा समस्या देखिएकाले फुड प्वाइजनको कारण मृत्यु भएको उपचारमा संलग्न चिकित्सकहरुको प्रारम्भिक अनुमान रहेको छ ।
घटनाबारे प्रहरीले थप अनुसन्धान गरिरहेको र तीनवटै बालबालिकाको पोष्टमार्टमका लागि शव नारायणी अस्पताल वीरगन्जमा शव पठाइएको जिल्ला प्रहरी कार्यालय बाराले जनाएको छ ।
असोज २५, २०८१ शुक्रबार
असोज २१, २०८१ सोमबार
भदौ २२, २०८१ शनिबार
भदौ १९, २०८१ बुधबार
भदौ १४, २०८१ शुक्रबार
भदौ १३, २०८१ बिहिबार
