न्यूज डेस्क | भदौ ८, २०८१ शनिबार
प्रधानमन्त्री केपी शर्मा ओलीले आफूले छिट्टै महिला प्रधानमन्त्री बनाउनेबारे सोचिरहेको बताएका छन् । शनिबार युथ कनक्लेभ २०२४ मा सहभागीले ‘नेपालले महिला प्रधानमन्त्री कहिले पाउने र कति छिटो पाउने रु’ भनी सोधेको प्रश्नमा उनले आफूले छिट्टै महिला प्रधानमन्त्री बनाउनेबारे सोचिरहेको र त्यसका लागि केही तयारी गर्नुपर्ने बताएका हुन् ।
नेपालमा आधाभन्दा बढी जनसंख्या रहेका महिला समुदायको हित, उनीहरुको सबलीकरण, प्रभावकारिता र उनीहरुको भूमिकाको अभिवृद्धिको प्रश्न उठाएको भन्दै ओलीले प्रश्नकर्तालाई धन्यवाद समेत दिए ।
आफूले महिला राष्ट्रपति, महिला प्रधानन्यायाधीश, महिला सभामुख र पहिलो महिला मुख्यसचिव पनि बनाएको बताउँदै ओलीले आफूलाई ‘शौभाग्यशाली मान्छे’ को संज्ञा समेत दिए । साथै, महिलाको ३३ प्रतिशत सहभागितामा पनि आफ्नो राम्रो भूमिका रहेको उनले दाबी गरे ।
‘म महिला प्रधानमन्त्री बनाउन चाहन्छु । तर, त्यसका लागि अलिकति तयारी गर्नुपर्छ । मैले दुई महिनामा, तीन महिनामा अथवा अर्को साल महिला प्रधानमन्त्री बनाइहाल्छु भन्ने अलिकति मुस्किल हुनसक्छ । तर, छिट्टै बनाउने तयारी बारेमा मैले सोचिरहेको छु,’– उनले बताए ।
मंसिर २९, २०८१ शनिबार
मंसिर ९, २०८१ आइतबार
मंसिर ४, २०८१ मंगलबार
असोज २९, २०८१ मंगलबार
असोज २१, २०८१ सोमबार
असोज २१, २०८१ सोमबार
