रौतहट।जिल्लाको चन्द्रपुर नगरपालिकाको वडा न. ८ यतिबेला प्रविधि मैत्री वडाको निर्माणका लागी जुटेको छ। वडा अध्यक्ष जितेन्द्र चौधरीको पहलमा उक्त वडाको केन्द्र सन्तपुर बजार र सुबलाल भागबत विद्यालय क्षेत्रमा सीसी क्यामेरा जडान, रात्रिकालीन सुरक्षाको निम्ति ठाउँ ठाउँमा टाबर लाइट र निःशुल्क वाईफाई जडान लगायतको कार्य थालनी भएको हो।

---

वडाबासिको सुरक्षा, आवश्यकता र चाहनालाई मध्यनजर राख्दै नयाँ कार्यको थालनी गरिएको समेत वडा अध्यक्ष चौधरीले बताएका छन्। प्रविधिमैत्री वडाको रूपमा वडा नम्बर ८ लाई विकास गर्नको लागि लागि परेका उनी पछिल्लो समय स्थानीय बासीलाई निःशुल्क इंटरनेट सुविधा दिन ठाउँ ठाउँमा फ्री वाईफाई जडानको कार्यमा लागि परेका हुन् ।

---

---

सूचना प्रविधिको युगमा वडा बासीलाई निःशुल्क इंटरनेट सेवा प्रदान गर्ने सोचले उनी पछिल्लो समयमा सक्रिय भएका हुन्। रातको समयमा आवतजावतमा सहज हुने र गाउँ टोलमा चोरी,डकैती लगायतका आपराधिक घटना लाई न्यूनीकरण गर्न मदत पुग्ने हुँदा चोक चोकमा टावर लाइट एबम् सिसी क्यामेरा जडान गरिएको उनले प्राइम खबरलाई बताएका छन्।

---

---

१० वटा वडा रहेको चन्द्रपुर नगरपालिकामा वडा अध्यक्ष चौधरीले देखाएको सक्रियता यतिबेला चर्चाको विषय बन्न पुगेको छ। वडा नम्बर ८ मा स्वास्थ, शिक्षा, खानेपानी र पूर्वाधार निर्माणको कार्य सँगै खेलकुद र सामाजिक विकाशको क्षेत्रमा पनि उनको योगदान अतुलनीय रहेको स्थानीय युवा सुमन गौतमले बताए।