प्राइम खबर संबाददाता | पुस १२, २०८१ शुक्रबार
रौतहटको चन्द्रनिगाहपुरमा जारी एक दिवसिय त्रिकोणात्मक क्रिकेट प्रतियोगितामा हेटौँडालाई पराजित गर्दै सर्लाही फाइनलमा पुगेको छ।
चन्द्रपुर नगरपालिका–८ स्थित कोटीहोम क्रीकेट मैदानमा आयोजना गरिएको खेलमा सर्लाहीले हेटौंडालाई ३ विकेटले हराएको हो।
टस जितेर पहिले ब्याटिङ गरेको हेटौंडाले ३५ ओभरको खेलमा २७ दशमलव ४ ओभरमा अलआउट हुँदै ८९ रन बनाएको थियो। जवाफी ब्याटिङमा उत्रिएको सर्लाहीले १९ दशमलव २ ओभरमा ७ विकेट गुमाएर लक्ष्य भेट्टायो।
सर्लाहीका अभय यादव र विशाल पटेलले समान २/२ विकेट लिए। सर्लाहीका लागि विशाल पटेलले ४३ र अलि हसनले १५ रन बनाए। खेलको म्यान अफ द म्याच सर्लाहीका विशाल पटेल बने। हेटौंडाका लागि भने रामनरेश गिरीले २४ र गौरव कर्णले १७ रन बनाएका थिए। सर्लाही, रौतहट र हेटौंडा सम्मिलित त्रिकोणात्मक सिरिजको फाइनल खेल शुक्रबार (आज) सर्लाही र हेटौंडाबीच हुनेछ।
यसअघि सर्लाहीले बुधबार भएको खेलमा रौतहटमाथि रोमाञ्जक ४ रनको जित निकालेको थियो। एकदिवसीय (५० ओभर) भनिए पनि खराब मौसमका कारण सबै खेल ३५ ओभरमा झारिएको देवराज कार्कीले जानकारी दिए।
८ गतेबाट सुरु भएको प्रतियोगिताको अन्तिम खेल (फाइनल) १२ गते शुक्रबार हुने पनि उनले बताएका छन्।
पुस १२, २०८१ शुक्रबार
मंसिर १९, २०८१ बुधबार
मंसिर ८, २०८१ शनिबार
भदौ १५, २०८१ शनिबार
साउन २२, २०८१ मंगलबार
साउन २१, २०८१ सोमबार
