न्यूज डेस्क | चैत ५, २०८१ बुधबार
रौतहट। बामपन्थी गठबन्धनको विद्यार्थी संगठनका उम्मेदवारलाई फराकिलो मतान्तरले पराजित गर्दै रौतहट स्थित जन ज्योति बहुमुखी क्याम्पसमा नेपाल विद्यार्थी संघको प्यानल सहित मो. नौसाद आलम सभापतिमा निर्वाचित भएका छन् ।
नेपाल विद्यार्थी संघको प्यानलबाट उम्मेदवारी दिएका आलमले फराकिलो मतान्तरले विजयी भएका हुन् । उनले कुल खसेको १६८७ मत मध्य ११७४ सदर मतका साथ विजयी बनेका हुन् ।
उनका प्रतिद्वन्वन्दी अनेरास्ववियुका दामोदर उप्रेती ‘सफल’ले २०३ मत ल्याएका छन् । सचिवमा नेविसंघका शाहिल पुरीले ११२८ मत प्राप्त गरेका छन् भने उनका निकटतम प्रतिद्वन्द्वी अनेरास्ववियुका सुभ श्रेष्ठले २३१ मत प्राप्त गरे । यस्तै कोषाध्यक्षमा पदमा नेविसंघकी सम्झना कुमारी चौधरी ११४८ मतका साथ निर्वाचित वडा उनको निकटतम प्रतिद्वन्द्वी अनेरास्ववियुका अभिषेक कुमार चौधरीले २११ मत प्राप्त गरे ।
सदस्यहरुमा विकास कुमार दास , आरजु भट्टराई, रोहन श्रेष्ठ, पुष्पा कार्की, ऋतिक सिंह, रेजिना कुमारी काफ्ले, सुशील कुमार प्रहरी विजयी बनेका छन् ।
जनज्योति बहुमुखी क्याम्पसमा नेकपा एमाले र एकीकृत समाजवादी निकटका विद्यार्थी सगठन अनेरास्ववियु एउटै मोर्चा र नेपाली कांग्रेस निकट नेविसंघ, माओवादी निकट अखिल क्रान्तिकारी र जसपा निकट समाजवादी विद्यार्थी युनियनले छुट्टा/छुट्टै प्यानल बनाएर चुनावी प्रतिस्पर्धामा थिए ।
चैत २०, २०८१ बिहिबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
