रौतहट। बालबालिका तथा किशोरीहरुको क्षेत्रमा काम गर्दै आइरहेको ' छोरी ' संस्थाको आयोजनामा चन्द्रपुरका सञ्चारकर्मीसँग अन्तरक्रिया कार्यक्रम सम्पन्न भएको छ।

---

उक्त कार्यक्रममा सञ्चारकर्मीहरुलाई छोरी संस्थाले गरेका कार्यहरूको बारेमा जानकारी दिँदै विभिन्न विषयमा अन्तरक्रिया गरिएको थियो। छोरी संस्थाले विशेष गरी जोखिममा रहेका बालबालिकाहरूलाई संरक्षण गर्दै उनीहरूको समग्र विकासमा काम गरिरहेको संस्थाका कार्यक्रम संयोजक कोपिला तिमल्सिनाले बताएकी छिन् ।

---

---

 छोरीले समाजमा जोखिममा रहेका बालिकाहरूलाई जोखिम रहित बनाउन र उनीहरुमाथि हुने सबै खाले विभेद तथा हिंसा कम गर्दै सक्षम नागरिक बनाउन भूमिका खेलेको बताउँदै उनले अझै पनि हाम्रो समाजमा छोरीहरुले विभिन्न खाले हिंसा भोग्नुपरेको उल्लेख गर्दै उनीहरुलाई हिंसाबाट जोगाउन छोरी संस्थाले समुदायमै गएर कार्यहरु गरेको बताइन् ।

---

---

शनिबार आयोजित उक्त कार्यक्रममा बोल्दै नेपाल पत्रकार महासंघका पूर्व केन्द्रीय सदस्य शिव पुरीले बालिकाहरू माथि हुने सबै खाले हिंसालाई रोक्न समाजका सरोकारवालाहरू सबै एक ठाउँमा उभिनुपर्नेमा जोड दिँदै यसमा संचार माध्यमले खेल्नुपर्ने भूमिका निर्वाह गर्न सञ्चारकर्मीहरू पछि नपर्ने प्रतिबद्धता समेत व्यक्त गरेका छन्। नेपाल पत्रकार महासंघ रौतहट शाखाका अध्यक्ष संजय कार्कीले छोरी संस्थाले समस्या पहिचान मात्र नगरेर त्यसको समाधान पनि खोज्नुपर्ने बताउँदै बालिकाहरूलाई कुनै एउटा क्षेत्रमा मात्र नभएर सबै क्षेत्रमा सुरक्षित वातावरण निर्माण गर्न योजनाबद्ध ढंगले लाग्नुपर्नेमा जोड दिएका छन् ।

---

---

कार्यक्रममा नेपाल पत्रकार महासंघ ललितपुर शाखाका अध्यक्ष रामहरी कार्कीले छोरी संस्थाले गरेका कार्यहरूको प्रशंसा गर्दै आगामी दिनमा थप प्रभावकारी कार्यहरु गर्न संस्थाको भूमिकाबारे खुलेरै प्रशंसा समेत गरे । सो अन्तरक्रिया कार्यक्रममा चन्द्रनिगाहपुरका स्थानीय सञ्चारकर्मीहरुले सहभागिता जनाएका थिए।

 

 

---

---