न्यूज डेस्क | चैत ९, २०८१ आइतबार
रौतहटको उत्तरी भेगमा शुक्रबार मध्यराति आएको भीषण हावाहुरीसहितको असिना पानीले किसानहरूको बालीमा ठूलो क्षति पुर्याएको छ। जिल्लाको चन्द्रपुर, फतुवा विजयपुर, गुजरा तथा वृन्दावन नगरपालिकाका विभिन्न वडामा गहुँ, मकै तथा तरकारीबाली नष्ट भएका छन्।
भित्राउने बेला भएको बालीमा क्षति पुगेपछि राष्ट्रिय स्वतन्त्र पार्टी चन्द्रपुरका सभापति उदय नारायण सापकोटाले चिन्ता व्यक्त गरेका छन् । पीडित किसानको क्षतिको विवरण संकलन गरेर क्षतिपूर्ति दिलाउन उनले माग समेत गरेका छन् ।
सामाजिक सञ्जाल फेसबुकमा लेख्दै उनले भनेका छन् “गए राती परेको भिषण असिना पानीले चन्द्रपुर नगर क्षेत्र लगायतका किसानको भित्र्याउने बेला भएका बालीको ठूलो नोक्सानी भएको छ । यस दुःखद अवस्थालाई ध्यानमा स्थानीय सरकार चन्द्रपुर नगरपालिकाले यथाशीघ्र भएको क्षतिको लगत संकलन गरी प्रदेश सरकार र संघीय सरकार मातहतका मन्त्रालय र कार्यालय हरुमा संकलित लगत पठाएर राहत उपलब्ध गराउन पहल गरोस चन्द्रपुर नगरपालिकाले तत्काल उपलब्ध गराउन सक्ने राहत तुरन्त उपलब्ध गराउन जोडदार माग गर्दछु।“
किसानहरूले लगाएका फलफूल आँप, लिच्ची, काँक्रो, साग, करेला, प्याज, खुर्सानी तथा डेढ विघाको मकैबाली नष्ट भएको छ। वृन्दावनका स्थानीयका अनुसार बलेरी क्षेत्रका ५ सय विघा मकै असिनाले नष्ट गरेको बताइएको छ।
चैत १७, २०८१ सोमबार
माघ १२, २०८१ शनिबार
माघ ६, २०८१ आइतबार
पुस २९, २०८१ सोमबार
