न्यूज डेस्क | चैत १२, २०८१ बुधबार
रौतहट जिल्लाको गरुडा नगरपालिका वडा नं ५ स्थित शिवनगरमा रहेको आनन्द हस्पिटलका एण्ड एक्युपञ्चर सेवा प्रा.लि.का सञ्चालक उमेश प्रसाद साहलाई प्रहरीले पक्राउ गरेको छ । मापदण्ड पूरा नगरी अस्पताल सञ्चालन गरेको पाइएपछि जयसवाललाई नियन्त्रणमा लिएको रौतहट प्रहरीले जनाएको छ।
मधेश प्रदेशका मुख्यमन्त्री सतीशकुमार सिंहले केही साता अघि निजी अस्पतालहरू अनुगमनका क्रममा मापदण्ड पूरा नगरेको पाएपछि उक्त अस्पताललाई बन्द गर्न निर्देशन दिएका थिए। तर, साहले मुख्यमन्त्रीको उक्त आदेशको अवज्ञा गर्दै नयाँ बिरामी भर्ना गर्दै कमाउ धन्दा जारी राखेका थिए ।
उक्त हस्पिटलमा मापदण्डअनुसारका चिकित्सक, उपकरण र पूर्वाधार अभाव रहेको देखिएको थियो । महंगो शुल्क असुल्दै अवैधानिक रूपमा दर्ता समेत नगरी सञ्चालन भइरहेको जानकारी पाएपछि प्रहरीले बुधबार उनलाई पक्राउ गरेको हो।
जिल्ला प्रहरी कार्यालय रौतहटका प्रवक्ता डीएसपी दीपक कुमार रायले सञ्चालक जयसवाललाई पक्राउ गरी सोधपुछ गर्ने कार्य भइरहेको बताएका छन्।
चैत २०, २०८१ बिहिबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
