न्यूज डेस्क | चैत १४, २०८१ शुक्रबार
रौतहट । मधेस प्रदेशका अधिकांश स्थानीय तहहरूमा प्रमुख प्रशासकीय अधिकृतहरूको निरन्तरता सुनिश्चित गर्न चुनौती देखिँदै आएको छ। धेरैजसो प्रशासनिक अधिकृतहरू लामो समयसम्म एकै स्थानमा टिक्न नसक्दा विकास योजना प्रभावित हुने प्रवृत्ति बढ्दो क्रममा छ।
तर, रौतहट जिल्लाको वृन्दावन नगरपालिकामा संघीय मामिला तथा सामान्य प्रशासन मन्त्रालयको निर्णयअनुसार उपसचिव खिम बहादुर भुजेलले प्रमुख प्रशासकीय अधिकृतका रूपमा दुई वर्षदेखि निरन्तर नेतृत्व गर्दै आएका छन्। स्थानीय प्रशासनिक स्थायित्वले नगरपालिकाको विकास र सेवा प्रवाहलाई प्रभावकारी बनाएको नगर प्रमुख बिनोदप्रसाद कुर्मी बताउँछन् ।
नगरपालिकाले भुजेलको नेतृत्वमा पूर्वाधार, शिक्षा, स्वास्थ्य, सफाइ, र डिजिटल प्रशासनका क्षेत्रमा उल्लेखनीय सुधार गरेको त्यहाका स्थानियहरु बताउछन् । स्थानीय नागरिकहरू भन्छन्, “प्रशासनिक स्थिरताले योजनाहरू दीर्घकालीन रूपमा कार्यान्वयन गर्न मद्दत पुऱ्याएको छ ।”
“नगरको दिगो विकासका लागि निरन्तर नेतृत्व आवश्यक छ। प्रमुख प्रशासकीय अधिकृत भुजेलकै कार्यकालमा वृन्दावनले समृद्धिको यात्रा अघि बढाएको छ ।” नगर प्रमुख कुर्मी भन्छन् ।
नगरपालिकाले आगामी दिनमा पनि भुजेलको अनुभव र व्यवस्थापन क्षमताको लाभ उठाउँदै थप योजनाहरूलाई सुदृढ गर्ने लक्ष्य राखेको बताएको छ। कुर्मीले संघीय सरकारसँग प्रशासनिक स्थायित्वको नीति निरन्तरता दिन समेत आग्रह गरेका छन् ।
निर्बाचनमा आफुसँग पराजितहरुको एक जत्थाले नगरपालिकाको बिकास र प्रगतिमा सधै अबरोध र बखेडा झिक्दै आईरहेका भएतापनि त्यसबाट हतोत्साहित नहुन नगरबासिलाई आग्रह समेत गरेका छन् । बृन्दाबन नगरपालिका नेतुत्वलाई बिफल तुल्याउन बिकास बिरोधि त्यस्ता तत्वहरुको हर्कत सफल हुन नदिने समेत उनले बताएका छन् ।
चैत २०, २०८१ बिहिबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
चैत १२, २०८१ बुधबार
