न्यूज डेस्क | चैत १४, २०८१ शुक्रबार
राजावादी अभियानमा संलग्न राष्ट्र, राष्ट्रियता, धर्म, संस्कृति र नागरिक बचाउ महाभियानका संयोजक दुर्गा प्रसाईंविरुद्ध उजुरी परेको छ।
माओबादी निकट सुनिल बाबु पन्तले उनीविरुद्ध नेपाल प्रहरीको साइबर ब्युरोमा उजुरी दिएका हुन् । उक्त उजुरी शुक्रबार ब्युरोमा दर्ता भएको छ । लैङ्गिक तथा यौनिक अल्पसंख्यक समुदायलाई लक्षित गरी गलत सूचना तथा घृणास्पद अभिव्यक्ति फैलाएको आरोप प्रसाईमाथि छ ।
उजुरीमा दुर्गा प्रसाईका अनलाइन अभिव्यक्ति तथा गतिविधिको छानबिन गर्न, नेपाल साइबर अपराध ऐन उल्लङ्घन गरेको आरोपमा आवश्यक कानूनी कारबाही गर्न, समुदायलाई थप हानि पुग्न नदिन यस्ता घृणास्पद अभिव्यक्ति र गलत सूचनालाई रोक्न आवश्यक कदम चाल्न माग गरिएको पन्तले बताए ।
मायाको पहिचान नेपालका कार्यकारी निर्देशक समेत रहेका पन्त पहिलो संबिधानसभामा माओबादीबाट समानुपातिक कोटाका सभासद समेत हुन् ।
चैत १७, २०८१ सोमबार
माघ १०, २०८१ बिहिबार
पुस २७, २०८१ शनिबार
पुस २५, २०८१ बिहिबार
पुस २५, २०८१ बिहिबार
पुस १४, २०८१ आइतबार
