न्यूज डेस्क | चैत १७, २०८१ सोमबार
रौतहट। चन्द्रपुर नगरपालिका वडा नं ८ स्थित बसन्तपुर- बनबहुअरी सडक खण्ड निर्माण हुने भएको छ। सोमबार उक्त सडकको सिलान्यास एबम् भूमि पूजन कार्यक्रम सम्पन्न भएको हो।
संघीय विकास मन्त्रालय अन्तर्गत सहरी विकास तथा भवन निर्माण विभाग संघीय सहरी तथा भवन निर्माण आयोजना वीरगन्ज पर्साको आर्थिक लगानीमा निर्माण हुन लागेको सो कालोपत्रे सडकको सिलान्यास संघीय सांसद् देव प्रसाद तिमल्सिना र चन्द्रपुर नगर पालिका का नगर प्रमुख सञ्जय कुमार काफ्लेले संयुक्त रूपमा गरेका हुन्।
अस्फाल्ट प्रविधिको कालोपत्रे सडक ३८८ मीटर लम्बाई र ७ मीटर चौडाईको हुने निर्माण कम्पनीले जनाएको छ। साई रारा कन्ट्रक्सन प्रा.लि मकवानपुरले ठेक्का मार्फत उक्त सडक निर्माण कार्यको जिम्मेवारी पाएको वडा अध्यक्ष जितेन्द्र चौधरीले बताएका छन् ।
वर्षा याममा हिलो र हिउँदमा धुलामे सडकमा हिड्नु पर्दा निकै कष्टकर बन्दै गएको अवस्थामा उक्त सडक निर्माण भएपछि स्थानीयलाई आवतजावत गर्न निकै सहज हुने भएको हुँदा उक्त सडक विस्तार बनबहुर्री सम्म नै पुर्याउने लक्ष्य रहेको र सोही अनुसारको पहिलो चरणको काम थालनी भएको समेत संघीय सांसद् देव प्रसाद तिमल्सिनाले बताए ।
सिलान्यास कार्यक्रममा बोल्दै चन्द्रपुर नगरपालिकाका मेयर सञ्जय कुमार काफ्लेले नगरवासीको हरेक समस्यालाई समाधान गर्न नगरपालिकाका तत्पर रहेको र भौतिक पूर्वाधार एबम् सामाजिक विकासको क्षेत्रमा नगरपालिकाले धेरै कार्यहरु गर्दै आइरहेको स्मरण गराउँदै निर्माण कार्यमा गुणस्तर सँगै समयमै निर्माण कार्य सम्पन्न गर्न निर्माण कम्पनीलाई सुझाएका छन्।
कार्यक्रममा चन्द्रपुर नगरपालिकाका वडा अध्यक्षहरु जितेन्द्र चौधरी, विष्णु प्रसाद उप्रेती, नवराज देवकोटा, कार्यपालिका सदस्य नेत्र बहादुर कुस्वार, हिमाकला राना, नेपाली कांग्रेस चन्द्रपुर नगर सभापति मुकेश गिरी लगायत स्थानीयहरुको सहभागिता रहेको थियो।
चैत ९, २०८१ आइतबार
माघ १२, २०८१ शनिबार
माघ ६, २०८१ आइतबार
पुस २९, २०८१ सोमबार
