न्यूज डेस्क | चैत २१, २०८१ शुक्रबार
रौतहट। पर्यटन विकास कार्यालय रौतहटले सो कार्यालय अन्तर्गतका योजनाहरुको काम सत प्रतिशत सम्पन्न गर्ने उद्देश्यका साथ लागि परेको कार्यालय प्रमुख सञ्जय कुमार मिश्रले बताएका छन् ।
जिल्लाको गौरमा गएको कार्तिकमा स्थापना भएको उक्त कार्यालयमा ठेक्का मार्फत सम्झौता भएका र उपभोक्ता समिति मार्फत सञ्चालन हुने विभिन्न योजनाहरुको प्रभावकारी कार्यान्वयन गर्न कार्यालय प्रमुख मिश्र निरन्तर लागि परेका हुन्।
मधेश प्रदेशमा पछिल्लो समय प्रदेश सरकार मातहतका कार्यालयहरूबाट योजनाका चिठ्ठीहरु बिचौलिया मार्फत धमाधम बिक्री हुनेगरेको चर्चा पाएको अवस्थामा सो कार्यालयले भने बिचौलिया मुक्त नीति अबलमबन् गरेको हो । जुन पालिकाको योजना हो त्यही पालिकाका वडा अध्यक्षलाई मात्र चिठ्ठी दिने आफ्नो स्पष्ट नीति भएको कारण कार्यालय मा बिचौलियाको भूमिका शून्य रहेको कार्यालय प्रमुख मिश्रले बताए ।
यस आर्थिक वर्षमा टेण्डर प्रक्रिया मार्फत संचालित ३२ ओटा योजनाहरू र उपभोक्ता समिति मार्फत गरिने १ सय २० योजनाहरू रहेको मध्येका अधिकांसको उपभोक्ता समितहरु गठन भइसकेको र काम समेत संचालन भएरहेको उनले जानकारी दिएका छन्।
बिहीबार कार्यालयमा सञ्चारकर्मीसँग भएको अन्तर्क्रिया कार्यक्रममा बोल्दै उनले भने “ म यो कुर्सीमा बसुन्जेल अनुशासन तोड्दिन, मधेश प्रदेश सरकारको र नेपाल सरकारको कानुन भन्दा बाहिर जाँदिन, एक पैसा पनि भ्रष्टाचार हुन दिन्न ।‘’
उक्त कार्यालयले रौतहट र सर्लाही गरेर दुई जिल्ला हेर्ने गरेको बताउँदै उनले आफ्नो कार्यालयबाट संचालित भएको योजनाहरुको काम गुणस्तरीय र विश्वसनीयता लागि स्वयं आफै आयोजना स्थल पुगेर अनुगमन गर्ने गरेको समेत उनले बताएका छन्।
सेवाग्राहीको सुविधाका लागि आफू सदैव तत्पर रहेको स्मरण गराउँदै आफ्नो ठाउँको विकाश र गतिशीलता लागि पर्यटन विकास क्षेत्रको विकास गर्न स्थानीयकै भूमिका महत्वपुर्ण हुने हुँदा पर्यटकीय महत्वको स्थलहरुको संरक्षण र सम्बर्द्धनमा जुट्न आवश्यक रहेको बताए ।
चैत २०, २०८१ बिहिबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
चैत १४, २०८१ शुक्रबार
