न्यूज डेस्क | चैत २२, २०८१ शनिबार
रौतहट। चन्द्रपुर नगरपालिका ८ बेतौना स्थित रहेको कोटीहोम क्रिकेट खेलमैदानमा त्रिकोणात्मक टी -२० तथा एक दिवसीय क्रिकेट प्रतियोगिता सुरु भएको छ ।
चन्द्रपुर क्रिकेट एकेडमीको आयोजनमा संचालित उक्त प्रतियोगितामा देहली एकेडमी , कलैया क्रिकेट क्लब र चन्द्रपुर क्रिकेट एकेडेमी सहभागी रहेका छन ।
शुक्रबारबाट सुरु भएको उक्त क्रिकेट प्रतियोगितामा भएको त्रिकोणीय श्रृंखलाको पहिलो खेल दिल्ली एकेडेमी र कलैया क्रिकेट एकेडेमी बीचको खेलमा कलैया क्रिकेट एकेडमीले टस् जितेर पहिले ब्याटिङ गर्दै १ सय ८० रन बनायो । कलैयाका रवि शाहले सर्वाधिक ६३ बलमा १सय ५ रन जोडे । कलैयाले दिएको लक्ष्य पन्छाउन उत्रेको दिल्ली एकेडमीले ९६ रनमा सीमित भएको थियो । उक्त प्रतियोगितामा कलैयाका रवि साह म्यान अफ दि म्याच घोषित भए।
नेपाली क्रिकेटको विकास र खेलाडीहरू बीचको आपसी सम्बन्धलाई पनि अझ प्रगाढ बनाउनको लागि उक्त प्रतियोगिताले महत्वपूर्ण भूमिका निभाउने प्रतियोगिताका आयोजक देवराज कार्कीले बताएका छन् ।
एक साता सम्म चल्ने उक्त क्रिकेट प्रतियोगितामा २२, २३ र २४ गते सम्म टी -२० प्रतियोगिता हुने र २५,२६ र २७ गते एक दिवसीय क्रिकेट प्रतियोगिता हुने आयोजक चन्द्रपुर क्रिकेट एकेडेमीले जनाएको छ । उक्त प्रतियोगिताहरूको फाइनल खेल भने चैत २९ गते हुने भएको छ ।
आयोजक कार्कीले क्रिकेटरहरूले देशप्रति पुर्याएको अतुलनीय योगदानलाई स्मरण गर्दै आफूहरूले फेरि पनि नेपाली क्रिकेटको विकासको लागि मदत पुग्ने उद्देश्यले उक्त क्रिकेट प्रतियोगिता गर्न लागेका स्पष्ट पारे।
पुस १२, २०८१ शुक्रबार
पुस १२, २०८१ शुक्रबार
मंसिर १९, २०८१ बुधबार
मंसिर ८, २०८१ शनिबार
भदौ १५, २०८१ शनिबार
साउन २२, २०८१ मंगलबार
