न्यूज डेस्क | बैशाख ३०, २०८२ मंगलबार
नेपाली काङ्ग्रेस विद्यार्थी विभाग रौतहटद्वारा आयोजित जय नेपाल कप जिल्ला अन्तर कलेज T-20 क्रीकेट लिग प्रतियोगिता २०८२ को उपाधिका लागि मध्य रौतहट बहुमुखी क्याम्पस गरुडा र सिन्धुरेघारी बहुमुखी क्याम्पस बीच प्रतिस्पर्धा हुने भएको छ ।
यी दुई क्याम्पसले जारी प्रतियगिताको मङ्गलबार भएको सेमीफाइनल खेलमा जित हासिल गर्दै फाइनलको यात्रा तय गरेका हुन् । पहिलो सेमिफाइनल खेल मध्य रौतहट बहुमुखी क्याम्पस र श्री देवी सिटिईभिटि कलेजको बिचमा सम्पन्न भएको थियोे । उक्त खेलमा मध्य रौतहट बहुमुखी क्यामपस गरुडा ३४ रनले विजयी भएको थियो । टस जितेर ब्याटिङमा उत्रिएको मध्य रौतहट बहुमुखी क्याम्पसले २० ओभरमा ६ विकेट गुमाएर १सय २८ रनको योगफल तयार गरेको थियोे ।
जवाफी ब्याटिङमा उत्रिएको श्री देवी सिटिईभिटि कलेजले १७ ओभरमा १० विकेट गुमाउँदै ९४ रन मात्रै जोड्न सफल भयो। सो खेलका प्लेयर खफ द म्याच मध्य रौतहट बहुमुखी क्याम्पस गरुडाका नितेस यादव बनेका छन्। उनले ३८ बलमा ३८ रन बनाउनुको साथै ४ओभरमा १६ रन खर्चेर १ विकेट लिएका थिए ।
यस जितसँगै मध्य रौतहट बहुमुखी क्याम्पस गरुडाले फाइनल यात्रा तय गरेको छ। यसैगरी दोस्रो सेमिफाइनल खेल सिधुरेघारी बहुमुखी क्याम्पस र गौरीशंकर यादव क्याम्पस बिचमा सम्पन्न भएको थियोे । उक्त खेलमा सिधुरेघारी बहुमुखी क्याम्पस २६ रनले विजयी भएको थियो।टस जितेर ब्याटिङमा उत्रिएको सिधुरेघारी बहुमुखी क्याम्पसले १९.५ ओभरमा १० विकेट गुमाउँदै १सय१० रनको योगफल तयार पारेको थियोे । जवाफी ब्याटिङमा उत्रिएको गौरीशंकर बहुमुखी क्याम्पस १८.३ ओभरमा १० विकेट गुमाउँदै ८४ रनमा नै चित्त बुझाउन बाध्य भयो ।
सो खेलका प्लेयर खफ द म्याच सिधुरेघारी बहुमुखी क्याम्पसका राजेस यादव बनेका छन् उनले २० बलमा २७ रन बनाउनुको साथै ३.३ ओभरमा१२ रन खर्चेर ३ विकेट लिएका थिए। यस जितसँगै सिधुरेघारी बहुमुखी क्याम्पस फाइनल प्रवेश गरेको छ।
फाइनल खेल मध्य रौतहट बहुमुखी क्याम्पस गरुडा र सिधुरेघारी बहुमुखी क्याम्पस चन्द्रपुर बिचमा जेठ १ गते दिनको १२ बजे हुने आयोजकले जनाएको छ।
जेठ २, २०८२ बिहिबार
बैशाख २९, २०८२ सोमबार
बैशाख २८, २०८२ आइतबार
बैशाख २५, २०८२ बिहिबार
बैशाख २४, २०८२ बुधबार
बैशाख २४, २०८२ बुधबार
