न्यूज डेस्क | जेठ ८, २०८२ बुधबार
नेपाल राष्ट्र बैँकका नवनियुक्त गभर्नर डा. विश्वनाथ पौडेलले सरकारको वित्त नीतिलाई सहयोग गर्ने नीतिअनुरूप राष्ट्र बैँकले आफ्ना काम कारबाही अघि बढाउने बताएका छन् ।
वालुवाटारस्थित बैँकको कार्यालयमा आज पदभार गर्दै उनले राष्ट्र बैँकको स्वायत्तता कायम गर्दै आफ्ना काम गर्ने स्पष्ट पारे । “वित्त नीतिबाट जे कुराहरू तय हुन्छन् त्यसलाई सफल बनाउन मौद्रिक नीतिले सहयोग गर्छ”, उनले भने, “नियमन र सुपरीवेक्षण अर्को काम हो । धेरै नियम बनाएर कसिलो बनाउनेभन्दा पनि सुपरीवेक्षण क्षमता बढाउनुपर्ने छ । यसका लागि राष्ट्र बैँकको क्षमता बढाउनुपर्ने छ ।”
बैँक तथा वित्तीय संस्थामा रहेको नागरिको निक्षेपको सुरक्षा र कर्जा नीतिमा सुधारलाई पनि राष्ट्र बैँकले प्राथमिकतामा राख्ने उनले बताए ।
त्यस्तै, राष्ट्र बैँकले विभिन्न सरोकारवाला निकायहरूसँग समन्वय गरेर मात्रै निर्णय लिने उनको भनाइ छ । “नीति निर्माण भनेको संवादमा आधारित हुनुपर्छ । म आफैँ मात्र कुनै प्रस्ताव ल्याएर यसै गरौँ भन्ने पक्षमा छैन । सबै सरोकारवाला निकायहरूसँग छलफल गरेर जान्छौँ”, गभर्नर पौडेलले भने ।
राष्ट्र बैँकका कार्यकारी निर्देशक डा गुणाकर भट्टको राजीनामा स्वीकृतको विषय राष्ट्र बैँकको आन्तरिक मामिला भएको धारणा पनि उनले राखे । नवनियुक्त गभर्नर डा. पौडेलले ५०० र एक हजार दरका बैँक नोट छपाइसँग सम्बन्धित निर्णयमा हस्ताक्षर गरेका छन् ।
बैशाख २८, २०८२ आइतबार
बैशाख २८, २०८२ आइतबार
बैशाख २१, २०८२ आइतबार
असोज २१, २०८१ सोमबार
भदौ १४, २०८१ शुक्रबार
भदौ १३, २०८१ बिहिबार
