न्यूज डेस्क | असार १०, २०८२ मंगलबार
रौतहट । गौर नगरपालिकाको १६ औं नगरसभा सम्पन्न भएको छ । नगर प्रमुख शम्भु साहको सभाध्यक्षतामा सोमबार नगरपालिका परिसरमा सम्पन्न भएको हो ।
सभामा आगामी आर्थिक वर्ष २०८२/ ८३ का लागि ६१ करोड १५ लाख ९७ हजार २६१ रुपैयाँको बजेट प्रस्तुत गरिनुका साथै सो पालिकाको निति तथा कार्यक्रम नगरसभाबाट सर्वसम्मत रूपमा पारित गरिएको छ।
नगरपालिकाले आगामी आर्थिक वर्षमा शिक्षा, स्वास्थ्य, रोजगार, कृषि तथा महिला तथा बाल विकास जस्ता क्षेत्रहरूमा विशेष प्राथमिकता दिँदै योजना अघि बढाउने प्रतिबद्धता जनाएको छ। ''हाम्रो अभियान समृधी , विकास र गौर नगरपालिका श्रेष्ठ पहिचान''को नारा सहित गौर नगरपालिकाले १६ औ नगर सभा सम्पन्न गरेको हो ।
राजस्व बाँडफाँटबाट प्राप्त रकम, संघ र प्रदेशको रकमका साथै संघीय सरकारबाट समानीकरण अनुदान, ससर्त अनुदान चालू र पुँजीगत, विशेष अनुदान पुँजीगत र समपूरक अनुदान पुँजीगत, प्रदेश सरकारबाट प्राप्त हुने वित्तीय समानीकरण, ससर्त अनुदान, विशेष अनुदान र समपूरक अनुदान गरी उक्त बजेट प्रस्तुत गरिएको बताए ।
युवा , शिक्षा तथा खेलकुद , आधारभूत स्वास्थ्य , कृषि तथा पशुपन्छी , रोजगार र पर्यटन , वातावरण तथा बिपद ब्यवस्थापन , पुर्वाधार , शहरी बिकास तथा भवन निर्माण , खानेपानी तथा सरसफाइ , महिला , बालबालिका त् जेष्ठ नागरिक , सहकारी तथा संघ संस्था , कानुन तथा न्याय , सार्वजनिक सेवा , सुशासन र क्षमता बिकास , राजस्व तथा वित्त ब्यवस्थापन आगामी आर्थिक वर्ष २०८२/८३ को क्षेत्रगत निति तथा कार्यक्रम ल्याएको नगर प्रमुख शम्भु साहले बताएका छन् ।
नगरपालिका द्धारा आयोजित सो नगरसभामा प्रमुख प्रशासकीय अधिकृत सुभाष ठाकुर , उप नगर प्रमुख शैलदेवि साह , नगरका वडाअध्यक्षहरु, कार्यपालिका सदस्य, नगरसभा सदस्यहरू, कर्मचारी, पत्रकार, सुरक्षाकर्मीहरुकोब उपस्थिति रहेको थियो ।
असार १७, २०८२ मंगलबार
असार १६, २०८२ सोमबार
असार १४, २०८२ शनिबार
असार १३, २०८२ शुक्रबार
असार १२, २०८२ बिहिबार
