न्यूज डेस्क | असोज ३, २०८२ शुक्रबार
राष्ट्रपति रामचन्द्र पौडेलले जेनजी आन्दोलनपछि विकसित राजनीतिक घटनाक्रमअनुसार प्रतिनिधिसभाबाट मन्त्रिपरिषद् गठन गर्ने कुनै उपाय नभएपछि आम सहमतिका आधारमा नयाँ सरकार गठन गरेको बताएका छन् ।
शुक्रबार संविधान दिवसका अवसरमा शीतल निवासमा आयोजित कार्यक्रमलाई सम्बोधन गर्दै राष्ट्रपतिले यस्तो बताएका हुन् । ‘प्रतिनिधिसभाबाट मन्त्रिपरिषद् गठन गर्ने कुनै उपाय नभएपछि आम सहमतिले यो कदम चालिएको कुरा सबैले बुझौँ र ६ महिनाभित्र प्रतिनिधिसभा ल्याउने चुनाव गर्न सबै लागौँ’, राष्ट्रपति पौडेलको आह्वान छ ।
उनले भदौ २३ र २४ गतेको आन्दोलनले अपुरणिय क्षति बेहोरेको भन्दै मुलुकका कर्णधार युवाहरू गुमाउँदाको क्षतिबारे आफू जानकार रहेको समेत बताएका छन् ।
आन्दोलनपछि उत्पन्न असहज परिस्थितिलाई सम्हाल्नुपरेको भन्दै उनले जे जति सकिन्थ्यो त्यति गरेको समेत बताए । ‘मुलुक नयाँ सपनाका साथ नवमार्गमा प्रवेश गरेको छ’, राष्ट्रपतिले भने, ‘नयाँ जनादेशले लोकतन्त्रलाई थप संस्थागत गर्दै मुलुकको आगामी बाटो तय गर्छ भन्ने विश्वास लिएको छु ।’
उनले अहिले बनेको अन्तरिम सरकारले राष्ट्रिय क्षतिको मूल्याङ्कन र पुननिर्माण गर्दै ६ महिनामा निर्वाचन गरी जनप्रतिनिधिमूलक संस्थालाई सत्ता हस्तान्तरण गर्ने समेत बताए । ‘यो नै सबै नेपालीको अहिलेको मुख्य कार्यभार हो’, राष्ट्रपतिको भनाई छ ।
असोज ३, २०८२ शुक्रबार
असोज ३, २०८२ शुक्रबार
असोज ३, २०८२ शुक्रबार
असोज ३, २०८२ शुक्रबार
असोज ३, २०८२ शुक्रबार
असोज ३, २०८२ शुक्रबार
