न्यूज डेस्क | असोज ११, २०८२ शनिबार
उर्जा, जलश्रोत तथा सिंचाईमन्त्री कुलमान घिसिङले जेन-जी पुस्ताको माग भ्रष्टाचार निर्मुल गर्ने, सुशासन कायम गर्ने रहेको बताएका छन् ।
नेपाल विद्युत प्राधिकरणले शुभकामना र बधाई दिन आयोजना गरेको कार्यक्रमलाई सम्बोधन गर्दै उनले यस्तो बताएका छन् । उनले देशमा भएका विभिन्न बेथितिको अन्त्य गरेर देशलाई समृद्धितिर अघि बढाउनुपर्ने जरुरी रहेको बताए ।
देशभित्रै बसेर काम गर्ने वातावरण बनाउने चाहना युवापुस्ताको चाहना पूरा गर्न जरुरी रहेको उनले बताए । सुशासनको विषयलाई गम्भीर रुपमा लागू गर्नुपर्ने उनको भनाइ छ । जेन-जी पुस्ताले उठाएका सुशासनका विषयलाई गम्भीर रुपमा लिएर लागू गर्दै जनताको सेवामा कमी हुन दिनु नहुने उनले उल्लेख गरे ।
यसैले अनियमितता र भ्रष्टाचारको गन्ध आए तत्काल कारबाही गर्ने उनले चेतावनी दिए। अब पनि त्यस्तै गतिविधि भइरहे अर्को ठूलो विद्रोह हुने र त्यसले कसैलाई नछोड्ने उनले बताए । मन्त्री घिसिङले प्राधिकरणभित्र सुशासन कायम गर्न कटिबद्ध भएर लाग्न निर्देशन दिए । कुनै किसिमको अनियमितता र भ्रष्टाचार गरेको पाइए तत्काल कारबाही हुने उनले बताए ।
असोज २५, २०८२ शनिबार
असोज २०, २०८२ सोमबार
असोज २०, २०८२ सोमबार
असोज १४, २०८२ मंगलबार
असोज १४, २०८२ मंगलबार
असोज १३, २०८२ सोमबार
