प्राइम खबर संबाददाता | पुस ५, २०८२ शनिबार
होटल एएन प्लाजा र देवीपुर रोयल्सबीच सम्पन्न दोस्रो खेलमा देवीपुर रोयल्स विजयी भएको छ । चन्द्रनिगाहपुरमा जारी मेयरकप क्रिकेट प्रतियोगिता (सीसीएल) चन्द्रपुर क्रिकेट लिग अन्र्तगत शुक्रवार चन्द्रपुर ८ कोटिहोम क्रिकेट मैदानमा भएको दोस्रो खेलमा देवीपुर रोयल्स ४ रनले विजयी भएको हो ।
समय अभावमा १५ ओभरमा छोट्याइएको खेलमा टस जितेर ब्याटिङमा आएको एएन प्लाजाले ८ विकेट गुमाई १ सय २३ रन बनाएको थियो । टिमका अरबिन्द चौधरीले २१ बलमा ३२ रन बनाएका थिए । दिनेश अधिकारीले १२ बल खेलेर १२ रन बनाए । दीपेन्द्र रावतले ७ बलमा १२ रन बनाए । त्यस्तै शैलेन्द्र कुशवाहले ८ बलमा १२ रन बनाए । रुपेश सिंहले ७ बलमा १३ रन बनाए । आशु कन्दोईले ७ बलमा ११ रन बनाए । देवीपुरका सेराज हवारी, कमल गुप्ता र रैयन आलमले २्२ विकेट लिए । रियाज आलम र नटराजन साहले १्१ विकेट लिए ।
१ सय २४ रनको विजयी लक्ष्य पाएको देवीपुरले १३.३ ओभरमा ६ विकेट गुमाइ १ सय १३ रन बनाउँदा प्रकाशका कारण खेल रोकियो । त्यसपछि डकवर्थ–लुइस नियमअनुसार देवीपुरलाई ४ रनले विजयी भएको घोषणा गरिएको प्रतियोगिताका संयोजक देवराज कार्कीले बताए ।
पुस ४, २०८२ शुक्रबार
पुस २, २०८२ बुधबार
मंसिर २, २०८२ सोमबार
असोज १४, २०८२ मंगलबार
जेठ ७, २०८२ मंगलबार
जेठ २, २०८२ बिहिबार
