नेपाल कम्युनिष्ट पार्टी माओवादी केन्द्र रौतहटका प्रभावशाली युवानेता मुकेश कुमार गुप्ताले आउँदै गरेको छठ पर्वमा व्रत बस्ने व्रतालु विपन्न महिलाहरूलाई एक एक जोर साडी वितरण गरेका छन् ।

---

जिल्लाको चन्द्रपुर नगरपालिका वडा नम्बर १० स्थित परडिया, नयाँ टोल परडिया र बेलवा टोलका ६७ घरपरिवारलाई एक एक जोर साडी वितरण सहित शुभकामना दिन घर दैलोमा पुगेको नेता गुप्ताले बताएका छन् ।

---

---

यसैगरी नेता गुप्ताले सोही वडाको बालचनपुर, बक्तौरा र घागिटोलमा गरी लगभग एकसय ७ अती विपन्न वर्गका महिलाहरुलाई एक एक जोर साडी वितरण गरेका छन् ।

आईतबार नेकपा माओवादी केन्द्र चन्द्रपुर वडा नम्बर १० वडा समितिको समन्वय र युवानेता गुप्ताको व्यक्तिगत सहयोगमा वडाका माओवादी केन्द्रका नेता कार्यकर्ताको सहभागितामा छठ पर्वको अवसरमा शुभकामना सहित उपहार स्वरूप एकसय ७४ थान साडी वितरण गरिएको युवानेता गुप्ताले बताएका छन् ।

---

---

नेता गुप्ता विद्यार्थी राजनीति देखि नै सक्रिय राजनीतिमा लागेका जिल्लाका प्रभावशाली युवानेता को रूपमा परिचित छन् । पार्टीमा समेत राम्रो पकड बनाएका नेता गुप्ता सामाजिक कार्यमा अग्रसर मानिने हुँदा सो वडामा समेत उनको पकड राम्रो रहेको स्थानीयहरु बताउँछन् ।

---

---