हास्य व्यंग्य, प्रहसन लगायतका मनोरन्जनत्मक कार्यक्रमको स्वाद लिन नपाएको लामो समय गुजारेका यस क्षेत्रका स्थानीयलाई भरपूर मनोरञ्जन गराउन नगर उद्योग वाणिज्य संघ लागि परेको छ । संघको आयोजनामा हुन लागेको यस प्रकारको गाईजात्रा विशेष कार्यक्रम चन्द्रपुर बसिको निम्ति पहिलो कार्यक्रम भएको आयोजकको भनाई रहेको छ । 

 दर्शकहरुलाई समसामयिक विषयमा हुने प्रहसन गाईजात्रा विशेष कार्यक्रम मार्फत काउकुती लगाउन आगामी भदौ ११ गरेको दिन गाईजात्रा विशेष कार्यक्रमको मिति तय गरिएको अध्यक्ष सापकोटाको भनाइ रहेको छ। सो कार्यक्रममा हास्य व्यंग्यकारको रूपमा ख्याति कमाएका राष्ट्रिय कलाकारहरुको बेजोड प्रस्तुति रहने बताईएको छ। 

उक्त कार्यक्रममा मनोज गजुरेल, शैलेन्द्र सिम्खडा,टीका भण्डारी, सुवोध गौतम, रुबिना अधिकारी, मेकसम गोडैल, सुन्दर खनाल, प्रभात लामा, सीता न्यौपाने लगायतका कलाकारहरुको बेजोड अभिनय रहने आयोजक संस्थाले बताएको छ।