नेकपा एमाले चन्द्रपुर नगर कमिटिले बिजया दशमी , दिपावली तथा छठ पर्वको अवसरमा चियापान तथा शुभकामना आदन प्रदान कार्यक्रम गरेको छ । नेकपा एमाले चन्द्रपुर नगर कमिटीको आयोजनामा शुक्रबार भएको शुभकामना आदन प्रदान कार्यक्रममा विभिन्न जन प्रतिनिधि राजनितिक दलका प्रतिनिधि, पत्रकार, समाजसेवी तथा पटीका नेता तथा कार्यकर्ताको उपस्थिती रहेको थियो ।
नेकपा एमालेका केन्द्रीय सदस्य उद्वव रेग्मीको प्रमुख आतिथ्यतामा शुभकामना आदान प्रदान कार्यक्रम भएको हो । सो कार्यक्रममा बोल्दै उनले नेपालीहरुको महान चाड बडा दशैंको सुखद् अवसरमा सुख, शान्ति र समृद्धिका लागि सवैमा शुभकामना व्यक्त गरेका हुन् ।
यस चाडपर्वले भौगोलिक, धार्मिक, सांस्कृतिक, जातीय र भाषिक विविधतालाई आपसमा गाँसेर सामाजिक सद्भाव, राष्ट्रिय एकता र साझा नेपाली पहिचान अनेकतामा एकता कायम गर्नमा महत्वपूर्ण योगदान गरेको उनको भनाई छ । यस पर्वले राष्ट्रिय एकता सुदृढ पार्न र सामाजिक सद्भाव एवम् क्षेत्र–क्षेत्र, जातजाति र समुदाय–समुदाय बीच आपसी भातृत्व कायम गर्ने उनले बताए ।