श्रोतका अनुसार योजनाबद्ध तवरबाट भल्टबाट रकम गायव भएको बुझिएको छ । कटरले ताल्चा काटी भल्ट फोडेर रकम चोरी हुनुमा कर्मचारीहरु पनि शंकाको घेरामा आएको बताईएको छ । स्रोतका अनुसार भल्टमा भएको करिब ३ करोड भन्दा बढी रकम मध्ये एक करोड बढी चोरी भएको बाँकी रकम भल्टमै सुरक्षित रहेको समेत बुझिएको छ ।  
शाखा कार्यालय रहेको घरका घरबेटीको सामान पनि चोरी भएको छ । चोरीको प्रकृति हेर्दा योजना बनाएर रकम लुटिएको स्पष्ट रुपमा बुझिन सकिन्छ ति श्रोतले दाबी गरेका छन् ।
त्यस शाखामा विशेष कारणवश कारोबार हुन नसकेकोले भन्दै बैकले नजिकैको वीरगञ्ज शाखा र पावर हाउस शाखाबाट कारोबार गरिदिनुहुन अनुरोध गर्दै एक सुचना समेत निकालेको छ । शाखा कार्यालयको गेटमा  टाँसिएको एक सूचनामा ग्राहक वर्गमा पर्न गएको असुविधा प्रति क्षमा समेत याचना गरीएको छ   ।

घतलोग्दो के छ भने चोरी हुनु पूर्व बैंकको सिसिटिभी क्यामरा पनि बिग्रिएको बुझिाएको छ । बैंककै कर्मचारीको संलग्नता रहेको हुन सक्ने आशंका गरिएको छ ।  सिसिटिभी क्यामरा पनि चोरी हुनु पूर्व नै बिग्रिनु र भल्टको आधा पैसा चोरी हुनु र आधा नहुनु लगायतका कारणले कर्मचारीको संलग्नतालाई समेत पुष्टि गर्ने पर्याप्त सम्भावना रहेको समेत आशंका गरीएको छ ।
पर्साका प्रहरीका प्रवक्ता एवं डिएसपी कुमार विक्रम थापाले उक्त घटनाको विषयमा गहन छानविन सुरु गरिएको  बताएका छन् ।