पार्टी अध्यक्ष उपेन्द्र यादब नेतृत्वको पार्टी विभाजन पश्चात हुन गइरहेको यस अधिवेशनलाई जसपाले एकताको राष्ट्रिय महाधिवेसन भन्दै आएको छ । अधिवेशनको मिति नजिकिँदै गर्दै रौतहट जिल्लामा पनि त्यसको तयारी एबम् प्रचार प्रसारमा तिब्रता दिइएको जसपा नेपालका महाधिवेसन प्रतिनिधि आशिष लामाले बताए ।

जिल्लाको चन्द्रनिगाहपुर लगायतका मुख्य चोक चौतारामा नेता लामाको नेतृत्वमा स्वागत गेट, झण्डा, ब्यानर लगायतका प्रचार प्रसारका सामग्रीहरू व्यापक रूपमा राखिएका छन् । पार्टी विभाजन पछि संगठानिक गतिविधि जसपा नेपालले बढाएको पाइन्छ । युवाहरुलाई परिचालन गर्दै पार्टीको महाधिवेशनलाई सभ्य र भव्य रूपमा सफल बनाउन त्यसको तयारी तिब्र रुपमा गरिएको जसपा रौतहटका चर्चित युवा नेता लामा बताउँछन् ।

 पार्टीमा त आन्तरिक किचलो छ नि भन्ने प्रश्नमा उनले भने,‘जीवन्त पार्टी भित्र आन्तरिक प्रतिस्पर्धा भईहाल्छ तर हाम्रा पार्टीमा यस्तो कुनै अस्वस्थ्य प्रतिस्पर्धा छैन।’ उनले हाम्रो पार्टीमा अहिले केही स–साना पार्टी एकिकरण भएको र केन्द्रदेखि नै तदर्थ समिति बनेकोले नेता व्यवस्थापनमा  समस्या  नभएको बताएँ।   महाअधिवेशनले पार्टीमा पछिल्लो समय देखिएको समस्याको हल गरेर पार्टी नयाँ उचाइमा पुग्ने समेत उनले बताए।