प्राइम खबर संबाददाता | भदौ ३०, २०८० शनिबार
काठमाडौंको तीनकुनेस्थित गैरीगाउँमा एकै ठाउँमा चार जनाको हत्या गरिएको अवस्थामा शव फेला परेको छ।
धारिलो हतियार प्रहार भएको अवस्थामा दुई जना पुरुष र दुई जना महिलाकाे शव फेला परेकाे प्रहरीले जनाएको छ। हिजो राति करिब १२ बजे शव फेला परेको काठमाडौं प्रहरी परिसरका प्रवक्ता प्रहरी बरिष्ठ उपरीक्षक दिनेश राज मैनालीले बताए । उनका अनुसार शवको पोष्टमार्टमको लागि टिचिङ अस्पताल लगिएको छ।
'चार जनाकाे शव हिजाे राति नै फेला परेकाे हाे। हत्या हुनेहरू दाेलखाका ३ जना र १ जना माेरङ घर ठेगाना रहेको खुलेको छ । हत्या गरिएकामा दुई पुरूष दुई महिला रहेका छन् ।
हत्या हुनेमा दाेलखाका कुमार भुजेल,उनकी श्रीमती अम्बिका भुजेल, कुमारकी आमा सुमित्रा भुजेल र माेरङका नवीन राई रहेका छन । घटनाको थप अनुसन्धानका लागि तालिम प्राप्त प्रहरी र कुकुरको समेत परिचालन गरिएको छ। अहिले घटनास्थलमा उपत्यका प्रहरी कार्यालय र जिल्ला प्रहरी परिसर काठमाडौँको टोली परिचालन गरिएको छ।
बैशाख २३, २०८१ आइतबार
बैशाख २२, २०८१ शनिबार
बैशाख १९, २०८१ बुधबार
बैशाख १८, २०८१ मंगलबार
चैत १६, २०८० शुक्रबार
पुस १७, २०८० मंगलबार
