रौतहटको चन्द्रपुर नगरपालिकाले आफनो नगर क्षेत्रका करिब ८१ हजार जना नागरिकलाइ हात्ती पाइले रोग बिरुद्दको औषधी खुवाउने भएको छ ।
बिहीबार राष्ट्रिय हात्तिपाईले रोग निवारण कार्यक्रम २०८१ को पुर्वसन्ध्यामा चन्द्रपुर नगरपालिकाको आयोजनामा भएको आम औषधि सेवनको अभिमुखीकरण कार्यक्रममा सो जानकारी गराइएको थियो । राष्ट्रिय जनगणना अनुसार चन्द्रपुर नगरपालिकाको ८४ हजार जनसंख्या मध्ये ३ हजार जना जति २ बर्ष मुनीका,सुत्केरी,तथा दिर्ग रोगी रहेको अनुमान गदै बाकी ८१ हजार जनालाइ हातिपाइले रोगको औषधी खुवाउने लक्षय रहेको चन्द्रपुर नगरपालिकाका स्वास्थ्य शाखा प्रमुख राजेश ठाकुरले जानकारी दिएका छन ।
प्राणघातक नभएता पनि मानिसहरूलाई अशक्त तथा अपाङ्ग बनाउने यो रोगका विरुद्ध हरेक वर्ष आईभरमेक्टिन, इथाईल्कारबमाजली र अल्वेन्डाजोल भन्ने औषधि अनिवार्य खुवाउनु पर्ने उनले बताए । तीन वटै औषधि उचाइ अनुसार निर्धारण हुने र उचाइ नापेर मात्र सेवन गराउने प्रक्रिया रहेको स्वास्थ्यकर्मीहरूको भनाई छ ।
रोग संक्रमणको हिसाबले यस क्षेत्रका नागरिक जोखिममा नै रहेको बताउँदै नगर स्वास्थ्य शाखा प्रमुख ठाकुरले उक्त औषधि आउदो बैशाख १६ गते देखी ३० गते सम्म हरेक टोल, विद्यालयहरूमा पाइने जानकारी दिए ।