पूर्वप्रधानमन्त्री समेत रहेका अध्यक्ष नेपालले देशमा प्रतिगामी र राजतन्त्र ल्याउने प्रयत्न भइरहेको भन्दै त्यसको विरुद्धमा कम्युनिस्ट विचारधारा बोकेका शक्तिहरू एकजुट हुनुपर्ने बताए । ‘फेरि चुनावमा यो देश नजाओस भनेर नयाँ समीकरण स्वीकारेको भन्दै अध्यक्ष नेपालले  एमाले अध्यक्ष केपी ओलीसँगको आफ्नो सम्बन्ध ५० औँ वर्ष पुरानो भएको हुदा बिगतका कुराहरूलाई बिर्सिएर हिँड्नुपर्ने जिकिर गरे ।

‘पुष्पकमल दाहाल प्रचण्डसँग ४० वर्षदेखि र केपी ओलीसँग ५० वर्षको सम्बन्ध हुँदै आएको  हिसाबले पुराना कुरा बिर्सेर नयाँ ठाउँमा गएको उनले बताए।
 संख्याले सबै कुराको निर्धारण हुने भएकोले अहिलेको सत्ता समीकरण बनेको पनि उनले बताए ।  ‘ एकीकृत समाजवादीका नेताहरू किन घमन्डी हुनु, कम्युनिस्ट नै आएर मिलौं भन्छन् भने आ आफ्नो पार्टी बलियो बनाउने कुरा त छँदै छ, देश बनाउने कुरामा कमसेकम मिलेर जाऔँ भन्ने भएपछि हाम्रो पार्टी नयाँ गठबन्धनमा सहभागी हुने निर्णय गर्यौँ,’ नेपालले भने नयाँ गठबन्धनले साझा कार्यक्रम, विचार र नीतिमा सहमति, कार्यक्रममा एक धारणा बनाउने भनेर दस्तावेज बनाएको र ‘न्युनतम नीति, प्राथमिकता र साझा संकल्प’ नामक उक्त दस्तावेज शनिबार प्रधानमन्त्रीलाई बुझाइएको उनले बताए ।