कार्यक्रममा बोल्दै नगर प्रमुख काफ्ले चन्द्रपुर नगरपालिकालाई विपदबाट आउने संकटबाट जोगाउन चन्द्रपुर नगरपालिका सदैव प्रतिबद्ध रहेको समेत बताएका छन् । नगरप्रमुख काफ्लेले बिहान हस्तान्तरण गरेका सामग्रीहरु विपद्को बेला नागरिकहरूलाई उद्धार तथा राहतको लागि उपयुक्त ढङ्गले परिचालन गरिनेमा विश्वास समेत बयक्त गरेका छन् । उनले आफूले निर्वाचित भएर आएदेखि नै चन्द्रपुर नगरपालिकाका विपद् जोखिममा रहेका बस्ती तथा समुदायहरूको पहिचान गरी उनीहरुलाई विपदबाट जोगाउन विभिन्न ठोस कार्यक्रमहरु समेत सञ्चालन गरेको बताएका छन्  ।

चन्द्रपुर नगरपालिकाका प्रमुख प्रशासकीय अधिकृत किरणनिधि तिवारीले चन्द्रपुर नगरपालिका आफ्ना नागरिकलाई विपदबाट हुनसक्ने जोखिमबाट जोगाउन योजनाबद्ध ढंगले प्रतिबद्ध भएर लागेको बताउदै चन्द्रपुर नगरपालिकालाई विपद्को जोखिमबाट सुरक्षित गर्न आगामी दिनहरूमा अझ बढी कार्यक्रम तथा योजनाहरू ल्याउने समेत बिश्वास ब्यक्त गरेका छन् । 

उक्त कार्यक्रममा चन्द्रपुर नगरपालिकाका उपप्रमुख जयमाला चौधरी ,चन्द्रपुर नगरपालिकाका जिन्सी शाखा प्रमुख मिश्रीलाल साह लगायच विभिन्न सुरक्षा निकायका प्रतिनिधिहरु लगायतको उपस्थिति रहेको थियो।