प्राइम खबर संबाददाता | साउन १८, २०७९ बुधबार
जिल्ला कृषि विकास कार्यालय जाजरकोटका प्रमुख रविन धितालसहित अन्य कर्मचारी कार्यकक्ष परिसरमै मदिरा सेवन गरेको अवस्थामा फेला परेका छन । वेलुका सात बजेको समयमा कार्यालय प्रमुख, प्रशासन अधिकृत, सुब्बा, लेखापाल, कृषि प्राविधिक सहित कार्यकक्ष परिसरमै मदिरा सेवन गरिहेको अवस्थामा फेला परेका हुन् ।
नेत्र विक्रम चन्द ( विप्लव) नेतृत्वको नेकपा जाजरकोटले कार्यालयमा मदिरा सेवन गरिरहेका उनीहरुलाई पक्राउको माग गर्दै जिल्ला प्रहरी कार्यालय जाजरकोटलाई आग्रह समेत गरेको छ ।
कर्मचारीहरुले कार्यालयको ढोका बन्द गरी नागरिक कक्षमा मदिरा सेवन गरिरहेका थिए । “सरकारी कार्यालय भित्र मदिरा सेवन गर्नु कस्तो गैरजिम्वारीपन हो ?” भन्दै नेकपा भेरी नगर कमिटी ईन्चार्ज विराजन शाहीले कारवाहीको माग गरेको बताए । यसबारे बुझ्दा आफ्नै क्वाटरको बाहिर साथीभाई बसिरहेको कार्यालय प्रमुख धितालको भनाई छ उता प्रमुख जिल्ला अधिकारी रामबहादुर शाहीले भने आवश्यक कारवाही गरिने बताएका छन् । उनले भने, ‘भोली विहान छलफलका लागि बोलाएका छौं आवश्यक कारवाही हुन्छ ।’ पछिल्लो समय विभिन्न सरकारी कार्यालयका केही कर्मचारीहरुमाथि विभिन्न प्रोपागान्डा मच्चाउँदै आइरहेको आरोप लाग्दै आएको छ।
बैशाख ७, २०८१ शुक्रबार
बैशाख ७, २०८१ शुक्रबार
बैशाख ६, २०८१ बिहिबार
बैशाख ६, २०८१ बिहिबार
बैशाख ६, २०८१ बिहिबार
बैशाख ६, २०८१ बिहिबार
