सरोज अर्याल | साउन ३, २०७८ आइतबार
रौतहट :- गत असार २७ गते जिल्लाको गढीमाई नगरपालिका २ समनपुर स्थित प्राचीन शिव मन्दिरको शिवलिंग जमिनमा भासिएको थियो । शिवलिंग करीब दुई फिट भासिएपछि स्थानीयमा त्रास फैलिएको छ । २७ गते दिउँसो पूजा गर्दागर्दैको अवस्थामा शिवलिङ्ग सतहभन्दा करिब डेढ फिट तल जमिनमा भासिएपछि स्थानीयवासीमा त्रास देखिएको हो । अति प्राचीन मन्दिर भएकोले घटनाको विषयमा सोहि वडाका अध्यक्ष दीपेन्द्र श्रेष्ठ सहितको टोलीले पुरातत्व विभागलाई जानकारी गराएका थिए । साथै धार्मिक क्षेत्र मुख्य गरी शिवको मन्दिर भएको र यस घटनाको विषयमा जानकारी राख्ने धार्मिक–आध्यात्मिक व्यक्तिहरुसँग पनि सम्पर्क गरिरहेको वडाध्यक्ष श्रेष्ठको भनाइ छ ।
यस्तै रौतहट क्षेत्र नं। ०४ का प्रतिनिधि सभा सदस्य मा। देव प्रसाद तिमल्सिनाले पुरातत्व विभागलाई आवश्यक अनुसन्धान गर्न र नयाँ मन्दिर निर्माण गर्नको लागी आवश्यक बजेट बिनियोजन गर्र्न पत्रचार समेत गरेका छन् । उक्त मन्दिर प्रचिनकालमै निर्माण गरीएको ऐतिहासीक,पौराणीक,संस्कृतीक धरोहरको रुपमा रहेकाले जिर्ण बन्दै गएको अवस्थामा यसको संरक्षण गर्नु सबैको दायित्व रहेको सांसद तिमल्सिनाको भनाई छ । आफ्नो क्षेत्रमा सो घटना भएको थाहा पाए लगतै साउन १ गते आफु स्वयम पुरातत्व विभागमा पुगी विभागका महानिर्देशक लाई सवै आवश्यक जानकारी गराएका उनले बताए । “पुरातत्व विभागलाई आवश्यक अनुसन्धान गर्न र नयाँ मन्दिर निर्माण गर्नको लागी आवश्यक बजेट बिनियोजन गर्न पत्रचार गरेको छु” सांसद तिमल्सिनाले बताए।
बैशाख २१, २०८१ शुक्रबार
चैत ७, २०८० बुधबार
कात्तिक २७, २०८० सोमबार
कात्तिक ७, २०८० मंगलबार
कात्तिक २, २०८० बिहिबार
कात्तिक १, २०८० बुधबार
