प्राइम खबर संबाददाता | साउन ७, २०७८ बिहिबार
दाङको राजपुर गाउँपालिका वडा नम्बर ३ भैसाहका फुर्तिराम चौधरीले सम्पत्ती पाउने आसैआसमा दिक्दार पर्नुभएको छ । उहाँ अहिले ३९ बर्षको हुनुभयो । जान्ने बुझ्ने भएपछि आफ्नो सम्पक्ति खोज्न शुरु गर्नुभएका उहाँले आज सम्म आउँदा अड्डा अदालत,प्रहरी प्रशासन धाउन थाल्नु भएको हो । फुर्तिरामले त सम्पत्ती पाउनु भएको छैन अझ उहाँका बुवा भगवती अहिर र बाजे गंगाराम अहिरकै नाममा सम्पत्ती आएन । आफ्ना बुवाको नाममा सम्पक्ती आफ्नो नाममा ल्याउन नपाउँदै बाजे गंगाराम र बुवा भगवती बित्नुभयो । फुर्तिरामका जिजु गुल्जार अहिरबाट बाजेमा सम्पत्ति नआएपछि फुर्तिरामको पुस्ता सम्म आउँदा तीन पुस्ता बितीसक्यो । खासमा फुर्तिरामले जिजु गुल्जारको नाममा भएको १३ बिगाहा सात कठ्ठा सात धुर जग्गा मध्येबाट एक कत्तिपनि जग्गा पाउन सक्नु भएको छैन । फुर्तीराम चार भाइ हुनुहुन्छ एकजना दाई वेपक्ता भएपनि आफुहरु तीन भाईले अंश नै नपाएको गुनासो उहाँको छ ।
उहाँको जेठा बो र कान्छा बाजेका छोरा र नातीहरुले आफहरुलाई सम्पक्ति नदिएको फुर्तिरामको गुनासो छ । फुर्तिराम भन्नुहुन्छ, सोझो जमानामा हामी अधिकारको लागि धेरै भाइभारदारमा रिसराग राखेनौ, नत बुवा बाजेले राख्नुभयो जसको कारण पुर्खौली सम्पक्तिबाट समेत बन्चित हुन पुग्यौ, उहाँले भन्नुभयो । यस विषयमा आफु प्रहरी प्रशासन र अड्डा अदालत सम्म धाएको भएपनि प्रकृया थाहा नहुँदा केही गर्न नसकेको गुनासो फुर्तिराम बताउनुहुन्छ । हामी सोझो मान्छेलाई मुद्धा मामिला गर्न सारै अप्ठेरो हुँदो रहेछ, वकीललाई दिने पैसा नहुँदा काम गर्न सकेको छैन । नाता प्रमाणित नहुँदा आफुहरुले सम्पत्ति पाउन नसकेको गुनासो फुर्तिराम सहितका तीन भाइको छ ।
यता राजपुर गाउँपालिका वडा नम्बर ३ का वडाअध्यक्ष रामछोरे यादवले फुर्तिरामको नाता प्रमाणित गर्न आलटाल गर्नुभएको छ । प्रहरी प्रशासनको सामु भाृली नै गर्छु भने भनेपनि अर्कोदिन नाताप्रमाणित नगराइ दुख दिइरहेको फुर्तीरामको भनाइ छ । फुर्तिरामले वडाअध्यक्षकै आलटालका कारण आफुले नाता प्रमाणित गराउन नसकेको र अंशबण्डा नपाएको बताउनुहुन्छ । यता वडाअध्यक्ष रामछोरे यादवले फुर्तिरामका एकजना भाई बेपक्ता रहेकाले नाता प्रमाणित गर्न समस्या रहेको बताउनुभयो । एकजना भाई वेपक्ता भएका कारण नाता प्रमाणित गर्न समस्या भएको हो, अब म वेपक्ता सहितको नाता प्रमाणित गर्न तयार छु, अध्यक्ष यादवले भन्नुभयो ।
अध्यक्ष यादवका अनुसार फुर्तिरामका बाजेले सम्पत्ति नजोरेको र कान्छा र जेठा बाजेले थप सम्पत्ति जोरेका कारण अंशबन्डा नभएको जानकारी आफुलाई आएको बताउनुभयो । यता यस विषयमा ईलाका प्रशासन कार्यालय लमहीका प्रमुख प्रेम खवासले जनप्रतिनिधिले नाता प्रमाणित गर्न कन्सुस्याई गर्न नहुने बताउनुहुन्छ । जनप्रतिनिधिले चिनाउन नसके समाजले चिनाउनुपर्छ, अहिलेको बैज्ञानिक युगमा नाता प्रमाणित गर्न गारो छैन डिएनए परीक्षण सम्म जानुभन्दा समाजमै बसेर समाधान गर्नुपर्छ, उहाँले भन्नुभयो । नाता प्रमाणित भएप्छि मात्रै सम्पत्ति र बन्डाको कुरा आउँछ त्यसैले उनि सोही पविारका हुन भने नाता प्रमाणित हुनै पर्ने र नाता प्रमाणित भएपछि सम्पक्ति नपाउने कुरै नहुने मौलिक हक आकर्षीत हुने तर्क खवासले गर्नुभयो ।।
बैशाख २१, २०८१ शुक्रबार
चैत ७, २०८० बुधबार
कात्तिक २७, २०८० सोमबार
कात्तिक ७, २०८० मंगलबार
कात्तिक २, २०८० बिहिबार
कात्तिक १, २०८० बुधबार
