प्राइम खबर संबाददाता | मंसिर ७, २०७८ मंगलबार
रौतहट जिल्लाको गौर चन्द्रनिगापुर सडक खण्ड अन्तर्गत बैजनाथपुर चोकमा दुई मोटरसाईकल एक आपसमा ठोकिंदा एकजनाको घटना स्थल मै मृत्यु भएको छ । र सो घटनामा परी दुई जना घाईते भएका छन् ।
दुर्घटनामा परी मृत्यु हुनेमा चन्द्रपुर वडा नंबर ९ का महादेव साह कानुको २५ बर्षिय छोरा रामाशंकर साह रहेको ईलाका प्रहरी कार्यालय चन्द्रिगाहपुरका प्रहरी नायब उपरिक्षक लिलाराज लामिछानेले जानकारी दिएका छन् । घाइते हुनेमा गुजरा नगरपालिका घर भएका मनोज चौधरी र बृन्दावन ७ बस्ने कान्ती देवी चौधरी रहेको प्रहरीले जनाएको छ ।
दुर्घटना भएका दुवै मोटरसाईकल प्रहरीले नियन्त्रणमा लिई थप अनुसन्धान गरिरहेको प्रहरीले जनाएको छ । गए राति पौने एक बजेको समयमा बैजनाथपुरको चोकमा ना ५३ प ६११२ र बिपरित दिशातर्फ बाट आईरहेको ना ४३ प ६२४३ मोटरसाईकल एक आपसमा ठोकिंदा सो घटना भएको र दुर्घटनाका घाइते दुवैजनाको थप उपचारको लागि राति नै बिरगंज लगिएको प्रहरीले जनाएको छ ।