न्यूज डेस्क | बैशाख २१, २०८१ शुक्रबार
केही दिनयता उच्च तापक्रम मापन भइरहेका बेला शुक्रबारबाट नेपाली आकाशमा बादल देखिएको छ । आकाशमा बादल देखिएपछि तापक्रम केही घट्न पुग्दा कम गर्मीको महसुस भएको छ ।
शुक्रबार काठमाडौँको अधिकतम तापक्रम बुधबार र बिहीबारको तुलनामा घटेर ३०.५ डिसेमा झरेको छ । यसअघि काठमाडौँको तापक्रम ३३ डिसेभन्दा माथि पुगेको थियो । शुक्रबार काठमाडौँमा हल्का बादल लागेको छ ।
मौसम पूर्वानुमान महाशाखाका अनुसार पछिल्ला दुई साता लगातार तापक्रम बढिरहेकोमा बादल लाग्न थालेपछि तापक्रम केही घटेको हो । महाशाखाले शनिबार पश्चिमी न्यूनचापीय प्रणाली प्रवेश गर्ने र यो प्रणालीले वर्षासमेत गराउने आङ्कलन गरेको छ ।
‘शनिबार र आइतबार पहाडी भूभागमा आंशिकदेखि साधरणतया बदली रहने देखिन्छ । त्यस्तै, कोशी, गण्डकी, कर्णाली र सुदूरपश्चिमका पहाडी भूभागका एक दुई स्थानमा मेघ गर्जन, चट्याङसहित हल्का वर्षाको सम्भावना छ’, महाशाखाले शुक्रबार साप्ताहिक कृषि मौसम पूर्वानुमान गर्दै भनेको छ ।
चैत ७, २०८० बुधबार
कात्तिक २७, २०८० सोमबार
कात्तिक ७, २०८० मंगलबार
कात्तिक २, २०८० बिहिबार
कात्तिक १, २०८० बुधबार
असोज २३, २०८० मंगलबार
