आन्तरिक पर्यटन तथा संस्कृति प्रबर्दनको लागि छैठौं राजर्षि जनक कप फुटबल प्रतियोगिता सञ्चालन गरेको बागमती नगरपालिकाले सुरुदेखि कै संस्करणहरु सञ्चालन गरि रहेको छ । चैत्र २ गतेबाट बागमती नगरपालिका १२ स्थित स्व. संन्तोष श्रेष्ठ स्मृती खेल मैदानमा आयोजना गरिने प्रतियोगीतामा आन्तरीक तथा बाह्य गरि १२ वटा क्लवको सहभागीता रहने आयोजक बागमती युवा क्लबका महासचिव सागर मैनालीले जानकारी दिएका छन् ।  उनका अनुसार चैत्र १३ गते सम्म संचालन हुने प्रतियोगितामा ११ स्वदेशी र एक विदेशी गरी १२ ओटा टिमको सहभागिता रहने छ ।प्रतियोगितामा आयोजक बागमती युवा क्लव सर्लाही,मनाङ मस्र्याङदी क्लव काठमाण्डौ, नेपाल आइस हिमालयन शेर्पा क्लव काठमाण्डौ, पिप्ले युवा क्लव हेटौडा, के.बि.ए. ग्लोबल बि.एफ.सी. चितवन, न्यूरोड टिम (एनआरटी)  काठमाण्डौ, नव जनजागृती फुटबल क्लव सिमरा, नेपाल पुलिस क्लव काठमाण्डौ, सुदूरपश्चिम ११ धनगढी, मछिन्द्र फुटबल क्लव काठमाण्डौ, एभेनिर फुटबल क्लव क्यामरुन, सशस्त्र पुलिस क्लव (एपीफ) काठमाण्डौको सहभागिता रहने आयोजक बागमती युवा क्लबका अध्यक्ष  मैनालीले बताएका छन् । 

प्रतियोगिताको विजेताले नगद रु १० लाखसहित राजर्षि जनक कप तथा उप विजेताले नगद रु ५ लाखसहित ट्रफी प्राप्त गर्ने आयोजकले जानकारी दिएको  छ। त्यसैगरी हरेक विधाका उत्कृष्ट खेलाडीलाई नगद रु २५ हजार प्रदान गरिने अध्यक्ष मैनालीले बताए । प्रत्येक प्रतियोगिताको उत्कृष्ट खेलाडीलाई नगद रु २० हजार प्रदान गरिने छ । त्यसैगरी बागमती राइजिङ अफ द ईयर हुने खेलाडीलाई मोटरसाइकल र फाइनल खेलका उत्कृष्ट खेलाडीलाई नगद रु ५१ हजार प्रदान गरिने आयोजकले जनाएको छ।  प्रतियोगिता संचालनमा अनुमानित रु ८० लाख खर्च हुने आयोजक क्लवका अध्यक्ष मैनालीले जानकारी दिएका छन् ।