प्राइम खबर संबाददाता | पुस १७, २०८० मंगलबार
रौतहटको चन्द्रपुर–५ मा गएराती भएको दुर्घटनामा २ भारतीयको मृत्यु भएको छ ।
पूर्व–पश्चिम राजमार्गको चिडियादह चोक नजिक सर्लाही जाँदै गरेको ट्यांकरले नुनथरबाट आउँदै गरेको अटोलाई ठक्कर दिँदा अटोमा सवार सवार दुई भारतीय नागरिकको मृत्यु भएको हो । बागमतीको नुनथरबाट चन्द्रनिगाहपुर तर्फ आउँदै गरेको गरेको ज १ ह ४४८५ नम्बरको अटोलाई अम्लेखगञ्जबाट सर्लाही तर्फ जाँदै गरेको प्रदेश २–०३–००१ ख १९२७ नम्बरको तेल बोक्ने ट्यांकरले ठक्कर दिएको थियो ।
दुर्घटनामा परि मृत्यु हुनेमा भारतको सितामाढी जिल्ला डुमरी बस्ने ३५ वर्षिय पिंकु सिंह र २२ वर्षिय अवधेश झा रहेको ईलाका प्रहरी कार्यालय चन्द्रनिगाहपुरले जनाएको छ।
मृतक दुवैजना अंग्रेजी नयाँ वर्ष मनाउन चन्द्रपुर–१ स्थित बागमतीको नुनथर आएका थिए । साँझ उनीहरु टेम्पो चढेर चन्द्रनिगाहपुरतर्फ आउँदै गर्दा ट्यांकरले ठक्कर दिएको थियो । उनीहरुको शव वीरगन्ज स्थित नारायणी अस्पतालमा राखिएको छ ।
त्यस्तै दुर्घटनामाा परी चार जना घाईते भएका छन् । उनीहरुको चन्द्रनिगाहपुरको स्थानीय अस्पतालमा उपचार भईरहेको छ भने ट्यांकर चालक दुर्गा भगवती गाउँपालिका–६ गंगापिपराका २६ वर्षिय प्रविण साहलाई नियन्त्रणमा लिएको प्रहरी स्रोतले बताएको छ।
बैशाख २३, २०८१ आइतबार
बैशाख २२, २०८१ शनिबार
बैशाख १९, २०८१ बुधबार
बैशाख १८, २०८१ मंगलबार
चैत १६, २०८० शुक्रबार
कात्तिक ५, २०८० आइतबार
