न्यूज डेस्क | जेठ ४, २०८१ शुक्रबार
रौतहट ! जनकपुरबाट बीरगञ्ज आउँदै गरेको यात्रुवाहक बस रौतहटमा दुर्घटनामा परेको छ । शुक्रबार बिहान करिब साढे ६ बजेको समयमा जनकपुरबाट बीरगञ्ज आउँदै गरेको ना ४ ख ४१२४ नम्बरको मोहिनी ट्राभल्स नामक बस पूर्वपश्चिम राजमार्ग स्थित चन्द्रपुर २ को लच्का नजिक पल्टिएर दुर्घटना भएको हो । अचानक बस पल्टिँदा सो बसमा सवार ३२ जना घाइते भएको जिल्ला ट्राफिक प्रहरी कार्यालय रौतहटले जनाएको छ । दुर्घटनामा परी घाइते भएका सबैजनाको चन्द्रनिगापुरस्थित चन्द्रपुर हस्पिटल प्राली र सिभिल ह्युमन हस्पिटल प्रालीमा उपचार भइरहेको जिल्ला ट्राफिक प्रहरी कार्यालय रौतहटका प्रमुख सुशील आचार्यले जानकारी दिए । बस चालक जनकपुर उपमहानगरपालिका ७ बस्ने राजकुमार मण्डललाई इलाका प्रहरी कार्यालय चन्द्रनिगाहपुरले नियन्त्रणमा लिएको प्रहरीले बतएको छ।
साउन ८, २०८१ मंगलबार
जेठ ७, २०८१ सोमबार
जेठ ३, २०८१ बिहिबार
बैशाख २३, २०८१ आइतबार
बैशाख २२, २०८१ शनिबार
बैशाख १९, २०८१ बुधबार
