प्राइम खबर संबाददाता | जेठ २१, २०७८ शुक्रबार
रौतहट स्थित गरुडा नगरपालिकाका एकजना वडा अध्यक्षको कोरोना संक्रमणबाट निधन भएको छ । उक्त नगरपालिकाका वडा न. २ का वडाध्यक्ष विसुनदेव सहनीको उपचारको क्रममा मृत्यु भएको मृतक वडा अध्यक्षका छोरा मनोज सहनीले बताए । छोरा मनोजको भनाइ अनुसार कोरोनाबाट ग्रसित वडाध्यक्ष सहनी निमोनिया पिडित रहेका थिए । वडा अध्यक्ष सहनी कोरोना संक्रमण भएपछि सिभिल हस्पिटल काठमाडौंमा भर्ना गरि उपचार गराउदै थिए । उपचाररत ७५ वर्षिय सहनीको स्वास्थ्य अवस्था जटिल बन्दै गएपछि बिहीबार राति सहनीको निधन भएको पारिवारिक श्रोतले जनाएको छ । गरुडा नगरपालिकाको वडा न २ गेडही गुठी टोलका वडाध्यक्ष सहनीको निधनप्रति गरूडा नगरपालिकाका नगर प्रमुख इन्नु राय यादवले दुःख व्यक्त गरेका छन् । गरूडा नगरपालिकाकै यसअघि पनि केही हप्ता अगाडी वडा नम्बर ७ पिपरियाका वडाध्यक्ष राम ईश्वर रायको समेत मृत्यु भइसकेको छ ।
चैत ७, २०८० बुधबार
कात्तिक २७, २०८० सोमबार
कात्तिक ७, २०८० मंगलबार
कात्तिक २, २०८० बिहिबार
कात्तिक १, २०८० बुधबार
असोज २३, २०८० मंगलबार
